ຕາມຂ່າວCRI：ວັນທີ 18 ຕຸລານີ້, ໃນບົດລາຍງານວຽກງານທີ່ມອບໃຫ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ເພື່ອທຳການກວດກາຄະນະກຳມະການສູນກາງຂອງພັກກອມມູນິດຈີນຄັ້ງທີ 18 ໄດ້ສະເໜີ 7 ມາດຕະການເພື່ອຍົກລະດັບການຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນໃນອະນາຄົດ.
ມາດຕະການດັ່ງກ່າວມີດັ່ງນີ້: ການພັດທະນາພາລະກິດການສຶກສາກ່ອນໝູ່, ຍົກສູງຄຸນະພາບຂອງການປະກອບອາຊີບແລະລະດັບລາຍໄດ້ຂອງປະຊາຊົນ, ເພີ່ມທະວີການສ້າງລະບົບປະກັນສັງຄົມ, ຍຶດໝັ້ນການສູ້ຊົນເພື່ອຫຼຸດພົ້ນອອກຈາກຄວາມທຸກຍາກ, ປະຕິບັດຍຸດທະສາດຈີນທີ່ມີສຸຂະພາບດີແລະອື່ນໆ.ບົດລາຍງານຍັງໄດ້ສະເໜີຕື່ມວ່າ, ຕ້ອງປົກປັກຮັກສາຄວາມໝັ້ນຄົງແຫ່ງຊາດຢ່າງມີຜົນສັກສິດ, ສະກັດກັ້ນຢ່າງແໜ້ນແຟ້ນແລະເດັດດ່ຽວຕໍ່ຕ້ານການເຄື່ອນໄຫວດ້ານການເຊື່ອມເຂົ້າແລະທຳລາຍຕ່າງໆ, ການເຄື່ອນໄຫວກໍ່ການຮ້າຍດ້ວຍຄວາມຮຸນແຮງ, ການເຄື່ອນໄຫວແບ່ງແຍກຊົນເຜົ່າແລະການຕໍ່ຕ້ານເຄື່ອນໄຫວກຸ່ມຫົວຮຸນແຮງທາງສາສະໜາ.
