ທ່ານ​ສີ​ຈິ້ນ​ຜິງ​ ກ່າວໃນ​ກອງ​ປະ​ຊຸມວ່າ, 5 ປີ​ຜ່ານ​ມາ, ​ຈີນໄດ້ຊຸກ​ຍູ້​ວຽກ​ງານ​ການ​ຕ່າງ​ປະ​ເທດ​ຖານປະ​ເທດ​ໃຫຍ່​ທີ່​ມີ​ສີ​ສັນ​ພິ​ເສດ​ຂອງ​ຈີນ​ຢ່າງ​ຮອບ​ດ້ານ ໂດຍ​ຈໍ່​ຕົວ​ຂຶ້ນ​ເປັນ​ໂຄງ​ຮ່າງວຽກ​ງານ​ການ​ຕ່າງ​ປະ​ເທດຢ່າງ​ຮອບ​ດ້ານ ແລະ ມີຫຼາຍ​ລະ​ດັບ, ໄດ້ປະ​ຕິ​ບັດ​ຂໍ້​ລິ​ເລີ່ມ​ທີ່​ຮ່ວມ​ກັນ​ສ້າງ "ໜຶ່ງ​ແລວ​ທາງ​ໜຶ່ງ​ເສັ້ນ​ທາງ", ລິ​ເລີ່ມ​ສ້າງທະ​ນາ​ຄານ​ລົງ​ທຶນ​ພື້ນ​ຖານ​ໂຄງ​ລ່າງ​ອາ​ຊີ ແລະ​ອື່ນໆ. ລິ​ເລີ່ມ​ສ້າງ​ປະ​ຊາ​ຄົມ​ຮ່ວມ​ຊະ​ຕາ​ກຳ​ມວນ​ມະ​ນຸດ, ປະ​ເທດ​ເຮົາ​ມີ​​ ອິດ​ທິ​ພົນ, ແຮງ​ດຶງ​ໃຈ​ ແລະ ຄວາມ​ສາ​ມາດ​ກໍ່​ຕັ້ງສູງ​ຂຶ້ນ​ຕື່ມ​ອີກ ເພື່ອ​ເປັນ​ການປະ​ກອບ​ສ່ວນ​ໃຫ້​ແກ່​ສັນ​ຕິ​ພາບ ​ແລະ ​ການ​ພັດ​ທະ​ນາຂອງ​ໂລກໃຫຍ່ຫຼວງກວ່າ​ເກົ່າ.