ທ່ານ ສີຈິ້ນຜິງ ປະກາດວ່າ, ໂດຍຜ່ານຄວາມພະຍາຍາມມາເປັນເວລາດົນນານ, ສັງຄົມນິຍົມທີ່ມີສີສັນພິເສດຂອງຈີນ ໄດ້ກ້າວເຂົ້າສູ່ໄລຍະໃໝ່ ເຊິ່ງເປັນທີ່ຕັ້ງປະຫວັດສາດໃໝ່ສຳລັບການພັດທະນາຂອງປະເທດເຮົາ ເຊິ່ງໝາຍຄວາມວ່າ ຈີນໄດ້ມີການກ້າວກະໂດດຢ່າງຍິ່ງໃຫຍ່ ໂດຍຈາກການລຸກຂຶ້ນ, ການຮັ່ງມີຂຶ້ນ ຈົນຮອດການເຂັ້ມແຂງຂຶ້ນ, ເຊິ່ງໄດ້ເປີດເສັ້ນທາງອັນກວ້າງຂວາງໃຫ້ແກ່ປະເທດພວມພັດທະນາ ເພື່ອກ້າວໄປສູ່ການຫັນເປັນທັນສະໄໝ, ກໍເປັນທາງເລືອກໃໝ່ໃຫ້ແກ່ປະເທດ ແລະ ຊົນຊາດທີ່ຢາກເລັ່ງພັດທະນາ ທັງຢາກຮັກສາຄວາມເປັນເອກະລາດຂອງຕົນ ເຊິ່ງເປັນການອຸທິດສະຕິປັນຍາ ແລະ ແມ່ແບບຂອງຈີນ ເພື່ອແກ້ໄຂບັນຫາຂອງມວນມະນຸດ.
ທ່ານ ສີຈິ້ນຜິງ ຊີ້ອອກວ່າ, ສັງຄົມນິຍົມທີ່ມີສີສັນພິເສດຂອງຈີນ ໄດ້ກ້າວເຂົ້າສູ່ຍຸກໃໝ່ ເຊິ່ງເປັນຍຸກທີ່ສືບຕໍ່ຍາດເອົາໄຊຊະນະອັນຍິ່ງໃຫຍ່ແຫ່ງສັງຄົມນິຍົມທີ່ມີສີສັນພິເສດຂອງຈີນພາຍໃຕ້ເງື່ອນໄຂປະຫວັດສາດໃໝ່, ເປັນຍຸກທີ່ສູ້ຊົນເພື່ອສ້າງສັງຄົມອີ່ມໜຳສຳລານໃນໄລຍະສຸດ ທ້າຍໃຫ້ສຳເລັດຢ່າງຮອບດ້ານ ແລ້ວສ້າງສາປະເທດສັງຄົມນິຍົມທັນສະໄໝເຂັ້ມແຂງ, ເປັນຍຸກທີ່ ພະຍາຍາມສຸດຂີດ ເພື່ອບັນລຸຄວາມໃຝ່ຝັນຂອງຈີນທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຄືນໃໝ່ ແລະ ເປັນຍຸກທີ່ປະເທດເຮົານັບມື້ກ້າວເຂົ້າສູ່ຈຸດໃຈກາງໃນເວທີສາກົນ ແລະ ປະກອບສ່ວນເຂົ້າໃນພາລະກິດກ້າວໜ້າຂອງມວນມະນຸດຢ່າງບໍ່ຢຸດຢັ້ງ ແລະ ຫຼາຍກວ່າເກົ່າ.
 |
