ທ່ານ ສີຈິ້ນຜິງກ່າວ ວ່າ, ສັງຄົມນິຍົມທີ່ມີສີສັນພິເສດຂອງຈີນກ້າວເຂົ້າສູ່ຍຸກໃໝ່, ຄວາມຂັດແຍ້ງຕົ້ນຕໍໃນສັງຄົມຂອງປະເທດເຮົາໄດ້ຫັນມາເປັນ ຄວາມຂັດແຍ້ງລະຫວ່າງ ຄວາມຕ້ອງການດ້ານຊີວິດການເປັນຢູ່ອັນດີງາມທີ່ນັບມື້ເພີ່ມຂຶ້ນຂອງປະຊາຊົນ ກັບ ການພັດທະນາທີ່ບໍ່ດຸ່ນດ່ຽງ ແລະ ບໍ່ເຕັມສ່ວນ.
ທ່ານສີຈິ້ນຜິງກ່າວຕື່ມວ່າ, ປະເທດເຮົາຈະສ້າງສັງຄົມອີ່ມໜຳສຳລານໃຫ້ສຳເລັດຢ່າງຮອບດ້ານ, ປະຊາຊົນບໍ່ພຽງແຕ່ໄດ້ມີຄວາມຮຽກຮ້ອງຕ້ອງການ ຕໍ່ຊີວິດການເປັນຢູ່ດ້ານວັດຖຸ ແລະ ວັດທະນະທຳຫຼາຍກວ່າເກົ່າເທົ່ານັ້ນ, ຫາກຍັງມີຄວາມຮຽກຮ້ອງຕ້ອງການດ້ານປະຊາທິປະໄຕ, ການປົກຄອງຕາມກົດໝາຍ, ຄວາມທ່ຽງທຳ, ຄວາມເປັນທຳ, ຄວາມປອດໄພ, ສິ່ງແວດລ້ອມ ແລະ ອື່ນໆນັບມື້ຫຼາຍຂຶ້ນ. ບັນຫາທີ່ພົ້ນເດັ່ນກວ່ານັ້ນກໍຄື ການພັດທະນາບໍ່ດຸ່ນດ່ຽງ ແລະ ບໍ່ເຕັມສ່ວນ ໄດ້ກາຍເປັນປັດໄຈຕົ້ນຕໍທີ່ຈຳກັດຂັດຂວາງການຕອບສະໜອງຕາມຄວາມຮຽກຮ້ອງຕ້ອງການດ້ານຊີວິດການເປັນຢູ່ອັນດີງາມທີ່ນັບມື້ເພີ່ມຂຶ້ນຂອງປະຊາຊົນ. ສະພາບພື້ນຖານແຫ່ງຊາດຂອງພວກເຮົາ ຄື ປະເທດເຮົາຍັງຢູ່ ແລະ ຈະຢູ່ໃນໄລຍະຕົ້ນຂອງສັງຄົມນິຍົມເປັນໄລຍະຍາວນານ, ຖານະສາກົນທີ່ເປັນປະເທດພວມພັດທະນາໃຫຍ່ທີ່ສຸດໃນໂລກນັ້ນກໍບໍ່ໄດ້ປ່ຽນແປງ.
 |
