ທ່ານສີຈິ້ນຜິງກ່າວວ່າ, ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ແນວຄິດສັງຄົມນິຍົມທີ່ມີສີສັນພິເສດຂອງຈີນໄດ້ເປັນຮູບເປັນຮ່າງຂຶ້ນ.
ແນວຄິດດັ່ງກ່າວໄດ້ລົງເລິກຄວາມເຂົ້າໃຈຕໍ່ກົດເກນກຳອຳນາດຂອງພັກກອມມູນິດ, ກົດເກນສ້າງສາສັງຄົມນິຍົມ ແລະ ກົດເກນການພັດທະນາຂອງສັງຄົມມະນຸດ ດ້ວຍສາຍຕາໃໝ່ອ່ຽມ ໂດຍສະເໜີອອກມາວ່າ, ເມື່ອຮອດກາງສະຕະວັດນີ້, ສ້າງປະເທດຈີນໃຫ້ເປັນປະເທດສັງຄົມນິຍົມທັນສະໄໝເຂັ້ມແຂງ ທີ່ມັ່ງຄັ່ງເຂັ້ມແຂງ, ປະຊາທິປະໄຕ, ສີວິໄລ, ກົມກຽວ ແລະ ສວຍງາມ ໂດຍແບ່ງເປັນສອງບາດກ້າວ ບົນພື້ນຖານແຫ່ງການສ້າງສັງຄົມອີ່ມໜຳສຳລານໃຫ້ສຳເລັດຢ່າງຮອບດ້ານເມື່ອປີ 2020.
ແນວຄິດສັງຄົມນິຍົມທີ່ມີສີສັນພິເສດຂອງຈີນຮຽກຮ້ອງໃຫ້ພັກກຳອຳນາດຕ້ອງຍຶດໝັ້ນແນວຄິດພັດທະນາທີ່ຖືປະຊາຊົນເປັນໃຈກາງ, ຊຸກຍູ້ການພັດທະນາຮອບດ້ານຂອງຄົນ ແລະປະຊາຊົນທຸກຖ້ວນໜ້າຮັ່ງມີຮ່ວມກັນ ແລະ ຍັງໄດ້ວາງຄວາມຮຽກຮ້ອງລະອຽດຕໍ່ແຜນຜັງລວມ, ການວາງແຜນຍຸດທະສາດ, ທິດທາງພັດທະນາ, ສິ່ງຮັບປະກັນທາງການເມືອງ ແຫ່ງພາລະກິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່.
 |
