ທ່ານສີຈິ້ນຜິງໄດ້ສະເໜີຍຸດທະສາດການພັດທະນາຊົນນະບົດອອກມາເປັນຄັ້ງທຳອິດໃນບົດລາຍງານກອງປະຊຸມ ເຊິ່ງລວມທັງການປັບປຸງບູລະນະລະບົບກົນໄກ ແລະ ນະໂຍບາຍທີ່ຊຸກຍູ້ພັດທະນາຕົວເມືອງ ແລະ ຊົນນະບົດຢ່າງເຊື່ອມໂຍງເຂົ້າກັນໃຫ້ສົມບູນຂຶ້ນ, ເລັ່ງຊຸກຍູ້ການສ້າງຄວາມທັນສະໄໝດ້ານກະສິກຳ ແລະ ຊົນນະບົດ. ປັບປຸງບູລະນະລະບຽບການທຸລະກິດພື້ນຖານຂອງຊົນນະບົດໃຫ້ສົມບູນຂຶ້ນ, ການຮັບເໝົາທີ່ດິນຮອບທີສອງໝົດອາຍຸແລ້ວ ກໍສາມາດຕໍ່ໄດ້ອີກ 30 ປີ, ລົງເລິກການປະຕິຮູບລະບອບກຳມະສິດລວມໝູ່ຂອງຊົນນະບົດ, ຮັບປະກັນສິດ ແລະ ຜົນປະໂຫຍດດ້ານຊັບສິນຂອງກະສິກອນ, ສ້າງຄວາມເຂັ້ມແຂງໃຫ້ແກ່ເສດຖະກິດລວມໝູ່, ສ້າງລະບົບອຸດສາຫະກຳ, ລະບົບການຜະລິດ ແລະ ລະບົບທຸລະກິດຂອງກະສິກຳທັນສະໄໝ, ບູລະນະລະບຽບການສະໜັບສະໜູນ ແລະ ຮັບປະກັນທາງກະສິກຳ, ສະໜັບສະໜູນ ແລະ ສົ່ງເສີມກະສິກອນປະກອບອາຊີບ ແລະ ດຳເນີນທຸລະກິດ, ເປີດກວ້າງຊ່ອງທາງສ້າງລາຍຮັບ, ປັບປຸງລະບົບຄຸ້ມຄອງຊົນນະບົດໃຫ້ສົມບູນຂຶ້ນ ແລະອື່ນໆ.