ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ:ຈີນຈະເປີດກວ້າງການເປີດປະຕູຢ່າງຕໍ່ເນື່ອງ

ບົດລາຍງານສະເໜີອອກມາວ່າ, ຈີນຈະເນັ້ນການສ້າງສາ "ໜຶ່ງແລວທາງໜຶ່ງເສັ້ນທາງ", ເຄົາລົບຫຼັກການປຶກສາຫາລືຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ, ເພີ່ມທະວີການຮ່ວມມືທີ່ເປີດກວ້າງເພື່ອຍົກສູງຄວາມສາມາດປະດິດສ້າງໃໝ່, ເຮັດໃຫ້ສະພາບການເປີດປະຕູ ທັງທາງບົກ ແລະ ທາງທະເລ ທັງພາຍໃນ ແລະ ພາຍນອກພັດທະນາພ້ອມກັນໃຫ້ຈໍ່ຕົວຂຶ້ນ, ພາກຕາເວັນອອກ ແລະ ຕາເວັນຕົກຕ່າງກໍຊ່ວຍຊູຍູ້ໜູນກັນ, ຊຸກຍູ້ການສ້າງສາປະເທດເຂັ້ມແຂງດ້ານການຄ້າ. ປະຕິບັດນະໂຍບາຍການຄ້າ ແລະ ການລົງທຶນຢ່າງເສລີ ແລະ ມີຄວາມສະດວກສະບາຍໃນລະດັບສູງ, ປະຕິບັດລະບຽບການຄວາມເທົ່າທຽມກັບພົນລະເມືອງ ແລະ ລະບຽບການບັນຊີທາງລົບກ່ອນການອະນຸຍາດເຂົ້າຕະຫຼາດຈີນ, ຜ່ອນຜັນຄວາມຈຳກັດອະນຸຍາດເຂົ້າຕະຫຼາດຢ່າງ ກວ້າງຂວາງ, ເປີດກວ້າງການເປີດປະຕູສູ່ພາຍນອກຂອງຂະແໜງການບໍລິການ, ເພີ່ມທະວີການຮັບປະກັນສິດ ແລະ ຜົນປະໂຫຍດຖືກຕ້ອງຕາມກົດໝາຍຂອງນັກລົງທຶນຕ່າງປະເທດ. ວິສາຫະກິດທີ່ໄດ້ຂຶ້ນທະບຽນຢູ່ພາຍໃນປະເທດເຮົາ ກໍມີສິດສະເໝີພາບກັນ; ມອບສິດເປັນເຈົ້າຕົນເອງໃນການປະຕິຮູບແກ່ເຂດທົດລອງການຄ້າເສລີໃຫ້ຫຼາຍກວ່າເກົ່າ, ຄົ້ນຄວ້າການສ້າງທ່າກ່ຳບັ່ນການຄ້າເສລີ, ຊຸກຍູ້ການຮ່ວມມືສາກົນດ້ານຄວາມສາມາດການຜະລິດ, ສ້າງເຄືອຂ່າຍການຄ້າ, ການລົງທຶນ ແລະ ລະດົມທຶນ, ການຜະລິດ ແລະ ການບໍລິການທີ່ເປີດປະຕູສູ່ທົ່ວໂລກ.