ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ :ຈີນຈະເຮັດໃຫ້ເດັກນ້ອຍທຸກຄົນໄດ້ຮັບການສຶກສາຢ່າງຍຸຕິທຳ ແລະ ມີຄຸນນະພາບ
2017-10-18 11:17:22 cri
ທ່ານສີຈິ້ນຜິງກ່າວເນັ້ນວ່າ, ການສ້າງປະເທດເຂັ້ມແຂງດ້ານການສຶກສາເປັນໂຄງການພື້ນຖານທີ່ຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນຄືນໃໝ່, ຕ້ອງຖືພາລະກິດການສຶກສາເປັນບຸລິມະສິດ. ຊຸກຍູ້ໃຫ້ການສຶກສາພາກບັງຄັບຢູ່ຊົນນະບົດ ແລະ ຕົວເມືອງພັດທະນາເປັນໜຶ່ງດຽວ, ເອົາໃຈໃສ່ສູງຕໍ່ການສຶກສາພາກບັງຄັບຢູ່ຊົນນະບົດ, ດຳເນີນການສຶກສາກ່ອນຊັ້ນປະຖົມ, ການສຶກສາພິເສດ ແລະ ການສຶກສາທາງອິນເຕີເນັດ, ຜັນຂະຫຍາຍການສຶກສາມັດທະຍົມຕອນປາຍໃຫ້ທົ່ວເຖິງ; ເລັ່ງການກໍ່ສ້າງມະຫາວິທະຍາໄລລະດັບໜຶ່ງ ແລະ ວິຊາລະດັບໜຶ່ງ, ບູລະນະລະບຽບການອຸດໜູນນັກຮຽນນັກສຶກສາ, ເຮັດໃຫ້ແຮງງານສ່ວນຫຼາຍທີ່ສຸດທີ່ເພີ່ມໃໝ່ໃນຕົວເມືອງ ແລະ ຊົນນະບົດໄດ້ຮັບການສຶກສາມັດທະຍົມຕອນປາຍ ແລະ ພະຍາຍາມເຮັດໃຫ້ເຂົາເຈົ້າໄດ້ຮັບການສຶກສາຊັ້ນສູງໃຫ້ຫຼາຍກວ່າ.