ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ:ຈີນສະເໜີການບໍລິການຮັກສາສຸຂະພາບປະຊາຊົນຕະຫຼອດຊີວິດຢ່າງຮອບດ້ານອອກມາເປັນຄັ້ງທຳອິດ
2017-10-18 11:25:26 cri
ບົດລາຍງານຂຽນວ່າ, ສ້າງລະບຽບການປິ່ນປົວຂັ້ນພື້ນຖານ, ລະບຽບການປະກັນການປິ່ນປົວທີ່ມີສີສັນພິເສດຂອງຈີນ ແລະ ລະບົບການບໍລິການການປິ່ນປົວ ແລະ ສາທາລະນະສຸກທີ່ມີຄຸນນະພາບສູງ, ປັບປຸງບູລະນະລະບຽບການຄຸ້ມຄອງໂຮງໝໍແບບທັນສະໄໝ. ເສີມສ້າງລະບົບການບໍລິການການປິ່ນປົວ ແລະ ສາທາລະນະສຸກຢູ່ຂັ້ນຮາກຖານ ແລະ ຖັນແຖວແພດໝໍທົ່ວໄປ. ຍົກເລີກການເກື້ອກູນໂຮງໝໍດ້ວຍກຳໄລການຂາຍຢາຢ່າງຮອບດ້ານ, ປັບປຸງລະບຽບການຮັບປະກັນການສະໜອງຢາ. ໂດຍເນັ້ນໃສ່ຖືເອົາການປ້ອງກັນເປັນຫຼັກ, ປ້ອງກັນ ແລະ ຄວບຄຸມພະຍາດຮ້າຍແຮງ. ປະຕິບັດຍຸດທະສາດຮັບປະກັນຄວາມປອດໄພດ້ານອາຫານ, ຊຸກຍູ້ໃຫ້ນະໂຍບາຍວາງແຜນຄອບຄົວເຊື່ອມຕໍ່ກັບນະໂຍບາຍເສດຖະກິດສັງຄົມທີ່ກ່ຽວຂ້ອງ, ຕັ້ງໜ້າຮັບມືກັບບັນຫາອັດຕາມີຜູ້ອາຍຸສູງເພີ່ມຂຶ້ນ, ສ້າງລະບົບນະໂຍບາຍ ແລະ ບັນຍາກາດໃນສັງຄົມທີ່ລ້ຽງດູຜູ້ເຖົ້າ, ກະຕັນຍູຕໍ່ຜູ້ເຖົ້າ ແລະ ເຄົາລົບຜູ້ເຖົ້າ ແລະ ເລັ່ງການພັດທະນາພາລະກິດ ແລະ ອຸດສາຫະກຳທີ່ກ່ຽວຂ້ອງກັບຜູ້ອາຍຸສູງ.