ບົດລາຍງານ ກອງປະຊຸມໄດ້ເນັ້ນວ່າ, "ປະເທດດຽວສອງລະບອບ" ແມ່ນລະບອບທີ່ດີທີ່ສຸດ ເພື່ອຮັກສາຄວາມຈະເລີນຮຸ່ງເຮືອງ ແລະ ສະຖຽນລະພາບຂອງຮົງກົງ ແລະ ມາເກົາໄດ້ຢ່າງຖາວອນ, ຕ້ອງສະໜັບສະໜູນອຳນາດການປົກຄອງ ແລະ ຜູ້ວ່າການເຂດບໍລິຫານພິເສດປົກຄອງຕາມກົດໝາຍ ແລະ ເຮັດວຽກຢ່າງຕັ້ງໜ້າ, ຮັບປະກັນ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ຊຸກຍູ້ປະຊາທິປະໄຕຢ່າງເປັນລະບຽບຮຽບຮ້ອຍ, ປ້ອງກັນຄວາມສະຫງົບທາງສັງຄົມ, ປະຕິບັດໜ້າທີ່ຮັບຜິດຊອບໃນການປົກປັກຮັກສາຜົນປະໂຫຍດດ້ານອະທິປະໄຕ, ຄວາມໝັ້ນຄົງ ແລະ ການພັດທະນາຂອງປະເທດ ທີ່ລະບຸໄວ້ໃນລັດຖະທຳມະນູນ; ວາງນະໂຍບາຍ ແລະ ມາດຕະການທີ່ອຳນວຍຄວາມສະດວກໃຫ້ແກ່ຊາວຮົງກົງ ແລະ ຊາວມາເກົາ ມາພັດທະນາຢູ່ແຜ່ນດິນໃຫຍ່ຈີນ.
ບົດລາຍງານເນັ້ນຕື່ມວ່າ, ຕ້ອງຍຶດໝັ້ນ "ຊາວຮົງກົງປົກຄອງຮົງກົງ" ແລະ "ຊາວມາເກົາປົກຄອງມາເກົາ" ໂດຍຖືຜູ້ຮັກຊາດເປັນຫຼັກ, ຊຸກຍູ້ໃຫ້ກຳລັງຮັກຊາດ, ຮັກຮົງກົງ ແລະ ຮັກມາເກົາເຕີບໃຫຍ່ຂະຫຍາຍຕົວ, ເພີ່ມທະວີສະຕິຮັບຮູ້ປະເທດຊາດ ແລະ ນ້ຳໃຈຮັກຊາດຂອງພີ່ນ້ອງຮ່ວມຊາດຮົງກົງ ແລະ ມາເກົາ.
 |
