ບົດລາຍງານຂຽນວ່າ, ຈີນທີ່ກ້າວເຂົ້າສູ່ຍຸກໃໝ່ ຍຶດໝັ້ນປະຕິບັດຕາມນະໂຍບາຍການຕ່າງປະເທດໂດຍສັນຕິທີ່ເປັນເອກະລາດ ແລະ ເປັນເຈົ້າຕົນເອງຢ່າງເດັດດ່ຽວໜຽວແໜ້ນ, ເຄົາລົບສິດເລືອກເສັ້ນທາງພັດທະນາຢ່າງເປັນເຈົ້າຕົນເອງຂອງປະຊາຊົນບັນດາປະເທດ, ປົກປັກຮັກສາຄວາມຍຸຕິທຳ ແລະ ຄວາມເປັນທຳສາກົນ, ຄັດຄ້ານການກະທຳທີ່ເອົາເຈຕະນາລົມຂອງຕົນບັງຄັບຜູ້ອື່ນ, ຄັດຄ້ານການແຊກແຊງວຽກງານພາຍໃນຂອງປະເທດອື່ນ ແລະ ຄັດຄ້ານປະເທດເຂັ້ມແຂງຂົ່ມເຫັງປະເທດອ່ອນແອ.
ໃນບົດລາຍງານກ່າວເນັ້ນວ່າ, ຈີນຈະບໍ່ສະຫຼະຜົນປະໂຫຍດຂອງປະເທດອື່ນ ເພື່ອພັດທະນາຕົນເອງຢ່າງເດັດຂາດ, ກໍຈະບໍ່ປະລະສິດທິ ແລະ ຜົນປະໂຫຍດທີ່ຊອບທຳຂອງຕົນຢ່າງເດັດຂາດ. ບໍ່ວ່າບຸກຄົນໃດໆກໍບໍ່ຄວນມີເຈຕະນາທີ່ຢາກໃຫ້ຈີນທຳລາຍຜົນປະໂຫຍດຂອງຕົນ. ຈີນປະຕິບັດຕາມນະໂຍບາຍປ້ອງກັນປະເທດແບບປ້ອງກັນຕົວ. ການພັດທະນາຂອງຈີນຈະບໍ່ເປັນໄພຂົ່ມຂູ່ຕໍ່ປະເທດໃດໆ. ບໍ່ວ່າຈີນຈະພັດທະນາໄປເຖິງລະດັບໃດ ກໍຈະບໍ່ເປັນເຈົ້າອຳນາດ ແລະ ບໍ່ແຜ່ອຳນາດຢ່າງເດັດຂາດ.