ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ:ພັກກອມມູນິດຈີນຕ້ານການສໍ້ລາດບັງຫຼວງຈະເນັ້ນການສະກັດກັ້ນ ແລະ ຮັກສາຄວາມເດັດຂາດເປັນໄລຍະຍາວນານ
2017-10-18 12:05:50 cri
ທ່ານສີຈິ້ນຜິງກ່າວວ່າ, ປະຊາຊົນມີຄວາມຄຽດຊັງທີ່ສຸດຕໍ່ປາກົດການສໍ້ລາດບັງຫຼວງ, ການສໍ້ລາດບັງຫຼວງເປັນໄພຂົ່ມຂູ່ຮ້າຍແຮງທີ່ສຸດສຳລັບພັກເຮົາ. ຕ້ອງຍຶດໝັ້ນຫຼັກການທີ່ບໍ່ມີເຂດຫ້າມ, ປົກຄຸມໃຫ້ທົ່ວເຖິງ ແລະ ບໍ່ມີການອົດກັ້ນ, ຍຶດໝັ້ນສືບສວນສອບສວນຜູ້ໃຫ້ສິນບົນ ແລະ ຜູ້ກິນສິນບົນພ້ອມກັນ, ປ້ອງກັນບໍ່ໃຫ້ມີກຸ່ມຫວັງຜົນປະໂຫຍດພາຍໃນພັກຢ່າງເດັດດ່ຽວ. ສ້າງລະບຽບການລາດຕະເວນກວດກາຕາມອົງຄະນະພັກຂັ້ນເມືອງ, ເພີ່ມຄວາມເຂັ້ມແຂງໃນການແກ້ໄຂບັນຫາສໍ້ລາດບັງຫຼວງຢູ່ຄຽງຂ້າງໃກ້ປະຊາຊົນ. ບໍ່ວ່າພວກສໍ້ລາດບັງຫຼວງໜີໄປຮອດໃສ ກໍລ້ວນແຕ່ຈະຊອກຈັບ ແລະ ລົງໂທດພວກເຂົາເຈົ້າຕາມກົດໝາຍ. ຊຸກຍູ້ວຽກງານນິຕິບັນຍັດຕ້ານການສໍ້ລາດບັງຫຼວງ, ສ້າງເວທີສະເໜີລາຍງານທີ່ປົກຄຸມລະບົບກວດກາ ແລະ ກວດສອບ.