ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ :ຫຼັງກອງປະຊຸມໃຫຍ່ຄັ້ງທີ 19 ຂອງພັກກອມູນິດຈີນຈະສ້າງຕັ້ງຄະນະກຳມະການກວດກາແຫ່ງລັດ ເພື່ອກວດກາພະນັກງານທີ່ໃຊ້ສິດອຳນາດຢ່າງຮອບດ້ານ
2017-10-18 12:25:47 cri
ບົດລາຍງານຂຽນວ່າ, ຈີນຈະປັບປຸງບູລະນະລະບົບຕິດຕາມຄຸ້ມຄອງຂອງພັກ ແລະ ລັດໃຫ້ສົມບູນຂຶ້ນ, ສ້າງກົດໝາຍກວດກາຂອງລັດ, ສ້າງຕັ້ງຄະນະກຳມະການກວດກາລະດັບຊາດ, ຂັ້ນແຂວງ(ນະຄອນ), ຂັ້ນເມືອງ ແລະ ຂັ້ນກຸ່ມບ້ານ, ເຮັດວຽກຮ່ວມກັບອົງການກວດກາຂອງພັກໃນສຳນັກງານດຽວກັນ ເພື່ອບັນລຸການກວດກາທົ່ວໄປຕໍ່ບັນຫາພະນັກງານທີ່ໃຊ້ສິດອຳນາດ, ມອບສິດອຳນາດ ແລະ ວິທີການສືບສວນສອບສວນໃຫ້ຄະນະກຳມະການກວດກາ ແລະ ໃຊ້ມາດຕະການ "ກັກບໍລິເວນ ແລະ ສືບສວນສອບສວນຜູ້ຕ້ອງຫາ" ແທນມາດຕະການ "ສາລະພາບການກະທຳຜິດຢູ່ບ່ອນທີ່ກຳນົດຕາມການກຳນົດເວລາ". ເພີ່ມທະວີການຕິດຕາມກວດກາດ້ານການຈັດຕັ້ງ, ປັບປຸງການຕິດຕາມກວດກາແບບປະຊາທິປະໄຕ, ເສີມຂະຫຍາຍບົດບາດຕິດຕາມກວດກາເຊິ່ງກັນ ແລະ ກັນ ລະຫວ່າງຂັ້ນດຽວກັນ, ເພີ່ມທະວີການຕິດຕາມກວດກາ ແລະ ການຄຸ້ມຄອງປະຈຳວັນຂອງພະນັກງານການນຳທີ່ເປັນສະມາຊິກພັກ ແລະ ລົງເລິກລະບຽບການລາດຕະເວນກວດກາທາງການເມືອງ.