ບົດລາຍງານກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ：ຈີນຈະສ້າງຕັ້ງຫຼາຍອົງການນຳແລະອົງການຈັດຕັ້ງການຕິດຕາມກວດກາ

ບົດລາຍງານສະແດງໃຫ້ເຫັນວ່າ, ຈີນຈະສ້າງຕັ້ງຫຼາຍອົງການນຳ ແລະອົງການຈັດຕັ້ງການຕິດຕາມກວດກາ ໃນຂົງເຂດການປົກຄອງຕາມກົດໝາຍ, ລະບົບນິເວດ, ກວດກາ ແລະ ການທະຫານ; ຈະສ້າງຕັ້ງໜ່ວຍຊີ້ນຳນຳພາການປົກຄອງປະເທດຕາມກົດໝາຍຢ່າງຮອບດ້ານຂັ້ນສູນກາງ, ເພື່ອເພີ່ມທະວີການນຳພາເປັນເອກະພາບຕໍ່ການສ້າງປະເທດຈີນທີ່ປົກຄອງຕາມກົດໝາຍ; ສ້າງຕັ້ງອົງການຄຸ້ມຄອງຊັບສິນຊັບພະຍາກອນທຳມະຊາດ ແລະ ຕິດຕາມຄຸ້ມຄອງສິ່ງແວດລ້ອມຊີວະນາໆພັນ, ປະຕິບັດໜ້າທີ່ຮັບຜິດຊອບໃນຖານະເປັນເຈົ້າຂອງຊັບສິນຊັບພະຍາກອນທຳມະຊາດທີ່ຂຶ້ນກັບທົ່ວປວງຊົນຢ່າງເປັນເອກະພາບກັນ, ປະຕິບັດໜ້າທີ່ຮັບຜິດຊອບຄຸ້ມຄອງການນຳໃຊ້ທີ່ດິນແຫ່ງຊາດທັງໝົດ ແລະ ອະນຸລັກ ຟື້ນຟູສິ່ງແວດລ້ອມຊີວະນາໆພັນຢ່າງເປັນເອກະພາບ, ປະຕິບັດໜ້າທີ່ຮັບຜິດຊອບຕິດຕາມຄຸ້ມຄອງການລະບາຍມົນລະພິດປະເພດຕ່າງໆໃນຕົວເມືອງ ແລະ ຊົນນະບົດ ກໍຄື ປະຕິບັດກົດໝາຍທາງການບໍລິຫານຢ່າງເປັນເອກະພາບກັນ; ສ້າງຕັ້ງຄະນະກຳມະການກວດກາລະດັບຊາດ, ຂັ້ນແຂວງ(ນະຄອນ), ຂັ້ນເມືອງ ແລະ ຂັ້ນກຸ່ມບ້ານ, ເພື່ອບັນລຸການກວດກາທົ່ວໄປຕໍ່ບັນຫາພະນັກງານທີ່ໃຊ້ສິດອຳນາດ, ສ້າງລະບຽບການລາດຕະເວນກວດກາຕາມອົງຄະນະພັກຂັ້ນເມືອງ, ເພີ່ມຄວາມເຂັ້ມແຂງໃນການແກ້ໄຂບັນຫາສໍ້ລາດບັງຫຼວງຢູ່ຄຽງຂ້າງໃກ້ປະຊາຊົນ; ສ້າງຕັ້ງອົງການຄຸ້ມຄອງ ແລະ ສະຫວັດດີການສຳລັບທະຫານທີ່ລາອອກຈາກກອງທະຫານ, ປົກປ້ອງສິດທິ ແລະ ຜົນປະໂຫຍດທີ່ຊອບດ້ວຍກົດໝາຍຂອງທະຫານ ແລະ ຄອບຄົວທະຫານ.