ວັນທີ 17 ຕຸລານີ້, ກະຊວງການເງິນອາເມລິກາປະກາດລາຍງານນະໂຍບາຍອັດຕາແລກປ່ຽນເຄິ່ງປີ 2017 ແລະຢືນຢັນວ່າ ຈີນບໍ່ເຄີຍບັນຊາອັດຕາແລກປ່ຽນເພື່ອຮັບທ່າແຮງການຄ້າທີ່ບໍ່ເປັນທຳ. ນີ້ແມ່ນເທື່ອທີສອງຂອງກະຊວງການເງິນອາເມລິກາປະກາດຄຳຢືນຢັນດັ່ງກ່າວພາຍຫຼັງທ່ານທຣຳ ເປັນປະທານາທິບໍດີອາເມລິກາ.
ມື້ດຽວກັນ, ກະຊວງການເງິນອາເມລິກາໄດ້ເຜີຍແຜ່ "ບົດລາຍງານວ່າດ້ວຍນະໂຍບາຍເສດຖະກິດ ແລະອັດຕາແລກປ່ຽນສາກົນ" ແລະເຫັນວ່າ ຄູ່ການຄ້າຕ່າງໆລ້ວນແຕ່ບໍ່ເຄີຍບັນຊາອັນຕາແລກປ່ຽນເງິນຕາ ແຕ່ຖືປະເທດຈີນ, ຍີ່ປຸ່ນ, ເຢລະມັນ, ສ.ເກົາຫຼີ ແລະສະວິດເຂົ້າໃນບັນຊີຕິດຕາມນະໂຍບາຍອັດຕາແລກປ່ຽນ.
ການຄົ້ນຄວ້າຂອງອົງການກອງທຶນເງິນຕາສາກົນ ແລະສະຖາບັນຄົ້ນຄວ້າເສດຖະກິດສາກົນປີເຕີເຊິນສະແດງໃຫ້ເຫັນວ່າ: ສອງປີຜ່ານມາ, ຈີນບໍ່ເຄີຍບັນຊາອັດຕາແລກປ່ຽນ, ສະນັ້ນ ການກ່າວຫາປະເທດຈີນກ່ຽວກັບການບັນຊາອັດຕາແລກປ່ຽນນັ້ນບໍ່ຖືກຕ້ອງ.
ຕາມລາຍງານດັ່ງກ່າວ, ກະຊວງການເງິນອາເມລິກາຊີ້ໃຫ້ເຫັນວ່າ: ການປ່ຽນແປງຂອງອັດຕາແລກປ່ຽນຈີນໃນມໍ່ໆມານີ້ຈະຊ່ວຍໃຫ້ປັບປຸງຄວາມບໍ່ດຸນດ່ຽງຂອງການຄ້າຈີນ-ອາເມລິກາ ແລະການເພີ່ມມູນຄ່າຂອງເງິນຢວນຈີນຕໍ່ໂດລາສະຫະລັດຈະຊ່ວຍຫຼຸດການເກີນດຸນທາງການຄ້າ.