ວັນທີ 18 ຕຸລານີ້, ທ່ານ ອູໄຫທ່າວ ອຸປະທູດຊົ່ວຄາວຂອງຄະນະຜູ້ແທນຈີນປະຈຳອົງການສະຫະປະຊາຊາດໄດ້ກ່າວປາໄສໃນກອງປະຊຸມກ່ຽວກັບບັນຫາປາແລັສຕິນແລະສະຖານະການຕາເວັນອອກກາງຂອງສະພາຄວາມໝັ້ນຄົງສະຫະປະຊາຊາດ ໂດຍຮຽກຮ້ອງໃຫ້ປະຊາຄົມໂລກຮ່ວມແຮງແກ້ໄຂບັນຫາປາແລັສຕິນ.
ທ່ານ ອູໄຫທ່າວ ກ່າວວ່າ: ບັນຫາປາແລັສຕິນໄດ້ສືບເນື່ອງມາເປັນຫຼາຍປີແລ້ວ,ແມ່ນໃຈກາງຂອງບັນຫາຕາເວັນອອກກາງ,ທັງແມ່ນບັນຫາໂດຍພື້ນຖານຂອງພາກພື້ນ. ຄວນເດັດດ່ຽວຊຸກຍູ້ຂະບວນການແກ້ໄຂບັນຫາດ້ວຍຊ່ອງທາງການເມືອງບົນພື້ນຖານ "ແຜນການສ້າງສອງປະເທດ" ເຊິ່ງເປັນແຜນການທີ່ສອດຄ່ອງກັບສະພາບຕົວຈິງຂອງພາກພື້ນທີ່ສຸດທີ່ໄດ້ຮັບຄວາມເຫັນດີຈາກສາກົນຢ່າງກວ້າງຂວາງ ແລະກໍແມ່ນຄວາມຮຽກຮ້ອງຕ້ອງການຂອງມະຕິທີ່ກ່ຽວຂ້ອງຂອງສະມັດຊາໃຫຍ່ອົງການສະຫະປະຊາຊາດ. ທ່ານ ອູໄຫທ່າວ ໄດ້ຮຽກຮ້ອງໃຫ້ປະສານງານຄວາມພະຍາຍາມຂອງປະຊາຄົມໂລກຕື່ມອີກ,ເພີ່ມທະວີແລະຮ່ວມແຮງ ຊຸກຍູ້ໃຫ້ມີສັນຕິພາບ. ທ່ານກ່າວວ່າ: ຈີນສະໜັບສະໜູນຄວາມພະຍາຍາມຢ່າງສຸດຂີດທີ່ມີຜົນດີຕໍ່ການຊຸກຍູ້ສັນຕິພາບລະຫວ່າງປາແລັສຕິນ-ອິສຣາແອນ ແລະເດັດດ່ຽວສະໜັບສະໜູນ "ແຜນການສ້າງສອງປະເທດ", ຈະຍຶດຖື " 4 ຈຸດຢືນ "ໃນການຊຸກຍູ້ການແກ້ໄຂບັນຫາປາແລັສຕິນເປັນສິ່ງອ້າງອີງ,ສືບຕໍ່ຮ່ວມກັບບັນດາຝ່າຍເພີ່ມຄວາມພະຍາຍາມ ເພື່ອຊຸກຍູ້ຂະບວນການແກ້ໄຂບັນຫາປາແລັສຕິນໂດຍຜ່ານຊ່ອງທາງການເມືອງ.
 |
