ວັນທີ 18 ຕຸລານີ້, ທ່ານນາງຖາວຫົງ ນັກສະແດງຮູບເງົາຈີນ, ທູດເທດສະການຮູບເງົາສາກົນຈີນ-ອາຟຣິກກາ ພ້ອມແຂກຜູ້ມີກຽດໄດ້ເດີນທາງໄປໂຮງຮຽນມັດທະຍົມຂອງເມືອງຄັບທາວປະເທດອາຟຣິກກາໃຕ້ດ້ວຍການນຳເອົາຂອງຂວັນພິເສດມອບໃຫ້ເດັກນ້ອຍເຊິ່ງນັ້ນກໍຄືໂຄງການສາຍຮູບເງົາໝື່ນເລື່ອງອາຟຣິກກາCineTravel.
ທ່ານຣາຟິກ ຊຳໂຊດິນ ປະທານເທດສະການຮູບເງົາຄັບທາວຢືນຢັນວ່າ ໂຄງການສາຍຮູບເງົາໝື່ນເລື່ອງນີ້ສຳລັບບັນດາປະເທດແລະປະຊາຊົນອາຟຣິກກາແລ້ວຖືວ່າເປັນໂຄງການທີ່ມີນິມິດໝາຍສຳຄັນໃນປະຫວັດສາດ ເຊິ່ງເຮັດໃຫ້ປະຊາຊົນບາງຈຳນວນທີ່ບໍ່ມີໂອກາດເຂົ້າໂຮງຮູບເງົານັ້ນສາມາດສຳຜັດກັບມົນສະເໜ່ຂອງຮູບເງົາຢ່າງໃກ້ຊິດຜ່ານຈາກອຸປະກອນສາຍຮູບເງົາກາງແຈ້ງທີ່ມີຄຸນນະພາບດີແລະຄົບຊຸດ ແລະຈາກຄວາມພະຍາຍາມດັ່ງກ່າວ, ປະຊາຊົນຈີນແລະອາຟຣິກກາຈະສາມາດຮັບຮູ້ວັດທະນະທຳທີ່ມີມູນເຊື້ອອັນດີງາມແລະທັດສະນະທີ່ຊົງຄຸນຄ່າຂອງກັນແລະກັນ ທັງມີຄວາມເຂົ້າໃຈແລະເພີ່ມທະວີນ້ຳໃຈມິດຕະພາບດ້ານວັດທະນະທຳຫ້ເລິກເຊິ່ງກວ່າເກົ່າອີກດ້ວຍ.