ຕາມຂ່າວCRI: ວັນທີ 18 ຕຸລານີ້, ໜັງສືພິມ "ຊາວປາຣີ" ໄດ້ລົງຂ່າວກອງປະຊຸມໃຫຍ່ຜູ້ແທນທົ່ວປະເທດພັກກອມມູນິດຈີນຄັ້ງທີ 19 ເຊິ່ງໄດ້ລາຍງານວ່າ: ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນໄດ້ລາຍງານວ່າ: ພັກກອມມູນິດຈີນຈະໄດ້ຮັບໄຊຊະນະໃນການຕໍ່ຕ້ານການສໍ້ລາດບັງຫຼວງ, ຮັບປະກັນໃຫ້ເຈົ້າໜ້າທີ່ ແລະລັດຖະບານມີປອດໃສຂາວສະອາດ. ຂະນະດຽວກັນ, ຕ້ອງຮັກສາອິດທິພົນຂອງສູນກາງພັກ ແລະການນຳພາຢ່າງລວມສູນເປັນເອກະພາບນ ກໍຄືການເດັດດ່ຽວຮັກສາອະທິປະໄຕ, ຄວາມໝັ້ນຄົງ ແລະຜົນປະໂຫຍດຂອງການພັດທະນາແຫ່ງຊາດຈີນ.
ໜັງສືພິມດັ່ງກ່າວຍັງໄດ້ເອົາໃຈໃສ່ຕໍ່ການເປີດປະຕູສູ່ໂລກພາຍນອກຂອງຈີນເປັນພິເສດ ເຊິ່ງໄດ້ນຳເອົາເນື້ອໃນຂອງບົດລາຍງານກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ລາຍງານວ່າ: ຈີນຈະບໍ່ປິດປະຕູສູ່ໂລກພາຍນອກ ແລະຈະສືບຕໍ່ຮັກສາສິດຜົນປະໂຫຍດຂອງການລົງທຶນຕ່າງປະເທດທີ່ຊອບດ້ວຍກົດໝາຍ.
 |
