ຕາມຂ່າວCRI:ຕອນບ່າຍຂອງວັນທີ 20 ຕຸລານີ້, ຄະນະປະທານຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນຈັດໄດ້ກອງປະຊຸມຄັ້ງທີ 2 ຢູ່ຫໍສະພາປະຊາຊົນແຫ່ງຊາດທີ່ນະຄອນຫຼວງປັກກິ່ງຂອງຈີນ.
ສະຫາຍສີຈິ້ນຜິງເປັນປະທານກອງປະຊຸມ.
ທ່ານລິວຢຸນຊ່ານ, ຫົວໜ້າຄະນະເລຂາຂອງກອງປະຊຸມໃຫຍ່ໄດ້ແຈ້ງລາຍຊື່ຂອງກຳມະການແລະກຳມະການສຳຮອງສູນກາງພັກຊຸດທີ 19, ແລະຜູ້ສະໝັກຮັບເລືອກຕັ້ງເປັນກຳມະການຂອງຄະນະກຳມະການກວດກາລະບຽບວິໄນສູນກາງ.
ກອງປະຊຸມໄດ້ຮັບຮອງຮ່າງມະຕິກ່ຽວກັບບົດລາຍງານຄະນະກຳມະການສູນກາງພັກຊຸດທີ 18, ຮ່າງມະຕິກ່ຽວກັບບົດລາຍງານວຽກງານຂອງຄະນະກຳມະການກວດກາລະບຽບວິໄນສູນກາງພັກຊຸດທີ 18, ຮ່າງມະຕິກ່ຽວກັບ ກົດລະບຽບພັກກອມມູນິດຈີນສະບັບດັດແກ້ແລະຍື່ນໃຫ້ຄະນະຜູ້ແທນຕ່າງໆເພື່ອປຶກສາຫາລື.
ກອງປະຊຸມໄດ້ຮັບຮອງລາຍຊື່ຂອງກຳມະການແລະກຳມະການສຳຮອງສູນກາງພັກຊຸດທີ 19, ແລະຜູ້ສະໝັກຮັບເລືອກຕັ້ງເປັນກຳມະການຂອງຄະນະກຳມະການກວດກາລະບຽບວິໄນສູນກາງພັກ, ແລະຍື່ນໃຫ້ຄະນະຜູ້ແທນຕ່າງໆພິຈາລະນາ.