ຕາມຂ່າວ CRI: ພິທີຖະແຫຼງຂ່າວກ່ຽວກັບ"ວຽກງານແນວໂຮມເອກະພາບແລະການພົວພັນກັບພາຍນອກຂອງພັກກອມມູນິດຈີນ" ໄດ້ຈັດຂຶ້ນຢູ່ສູນຖະແຫຼງຂ່າວກອງປະຊຸມໃຫຍ່ຜູ້ແທນທົວປະເທດຂອງພັກກອມມູນິດຈີນຄັ້ງທີ 19 ທີ່ນະຄອນຫຼວງປັກກິ່ງ ສປ ຈີນໃນຕອນເຊົ້າວັນທີ 21 ຕຸລານີ້.
ທ່ານຈ່າງຢີ້ໂຈງ ຮອງຫົວໜ້າຄະນະແນວໂຮມເອກະພາບສູນກາງພັກກອມມູນິດຈີນຜູ້ປະຈຳການກ່າວວ່າ, ແນວໂຮມເອກະພາບແມ່ນສະຫະພາບການເມືອງທີ່ສາມັກຄີກັນລະຫວ່າງທຸກພັກຝ່າຍ, ຊົນຊັ້ນ, ຊົນເຜົ່າ, ຄະນະແລະບຸກຄົນວົງການຕ່າງໆທີ່ນຳໂດຍພັກກອມມູນິດຈີນ, ນັບແຕ່ກອງປະຊຸມໃຫຍ່ຜູ້ແທນທົວປະເທດຂອງພັກກອມມູນິດຈີນຄັ້ງທີ 18 ເປັນຕົ້ນມາ, ແນວໂຮມເອກະພາບໄດ້ເສີມຂະຫຍາຍບົດບາດສຳຄັນໃນພາລະກິດການກໍ່ສ້າງສັງຄົມນິຍົມທີ່ມີສີສັນພິເສດຂອງຈີນ.
ໃນເວລາເວົ້າເຖິງວຽກງານການຂອງພັກກອມມູນິດຈີນ, ທ່ານໂກ່ວເຢ້ຍໂຈ່ວ, ຮອງຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນກ່າວວ່າ, ນັບແຕ່ກອງປະຊຸມໃຫຍ່ຜູ້ແທນທົວປະເທດຂອງພັກກອມມູນິດຈີນຄັ້ງທີ 18 ເປັນຕົ້ນມາ, ພັກກອມມູນິດຈີນສືບຕໍ່ລົງເລິກການພົວພັນລະຫວ່າງສອງຝ່າຍແລະຫຼາຍຝ່າຍກັບບັນດາພັກການເມືອງທີ່ເປັນມິດກັນຂອງປະເທດຕ່າງໆໃນໂລກ. ເຊິ່ງມາຮອດປັດຈຸບັນ, ພັກກອມມູນິດຈີນໄດ້ຮັກສາການພົວພັນກັບ 400 ກວ່າພັກການເມືອງແລະອົງການການເມືອງຂອງ 160 ກວ່າປະເທດໃນໂລກເປັນປະຈຳ.
 |
