ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ໄດ້ຈັດພິທີປິດຢູ່ຫໍສະພາປະຊາຊົນແຫ່ງຊາດໃນຕອນເຊົ້າວັນທີ 24 ຕຸລານີ້ຢ່າງມີໄຊ. ໂດຍການເປັນປະທານຂອງ ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ. ມີຜູ້ແທນແລະຜູ້ຕາງໜ້າພິເສດ 2336 ທ່ານໄດ້ເຂົ້າຮ່ວມ.
ກອງປະຊຸມໄດ້ເລືອກຕັ້ງກຳມະການ 133 ທ່ານຂອງຄະນະກຳມະການກວດກາລະບຽບວິໄນສູນກາງພັກຊຸດທີ 19. ຫຼັງຈາກນັ້ນ, ກອງປະຊຸມໄດ້ຜ່ານມະຕິກ່ຽວກັບບົດລາຍງານຂອງຄະນະກຳມະການສູນກາງພັກຊຸດທີ 18, ແລະໄດ້ຜ່ານການຮັບຮອງບົດລາຍງານທີ່ສະເໜີໂດຍສະຫາຍສີຈິ້ນຜິງຕາງໜ້າຄະນະກຳມະການສູນກາງພັກກອມມູນິດຈີນຊຸດທີ 18.
ນອກນີ້, ກອງປະຊຸມຍັງໄດ້ຜ່ານການຮັບຮອງມະຕິກ່ຽວກັບ "ກົດລະບຽບຂອງພັກກອມມູນິດຈີນສະບັບດັດແກ້", ແລະເຫັນດີນຳກົດລະບຽບດັ່ງກ່າວທີ່ຈະມີຜົນບັງຄັບໃຊ້ນັບແຕ່ມື້ທີ່ໄດ້ຜ່ານການຮັບຮອງເປັນຕົ້ນໄປ. ກອງປະຊຸມເຫັນດີກຳນົດເອົາຈັດແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ທີ່ສະເໜີໂດຍທ່ານສີຈິ້ນຜິງເຂົ້າໃນທິດຊີ້ນຳການກະທຳຂອງພັກຮ່ວມກັບລັດທິມາກເລນິນ, ແນວຄິດເໝົາເຈີຕຸ່ງ, ທິດສະດີເຕີ້ງສ້ຽວຜິງແລະແນວຄິດສຳຄັນສາມຕົວແທນສະນະພັດທະນາຕາມຫຼັກວິທະຍາສາດ.
