ຕອນຄ່ຳວັນທີ 24 ຕຸລານີ້ ໄດ້ຈັດກິດຈະກຳສະຫຼອງວັນອົງການສະຫະປະຊາຊາດປີ 2017 ຂຶ້ນຢູ່ນະຄອນຫຼວງປັກກິ່ງ ໂດຍເນັ້ນຫົວຂໍ້ "ດຳເນີນງານເພື່ອບັນລຸເປົ້າໝາຍການພັດທະນາແບບຍືນຍົງ".
ທ່ານນີໂຊລັສ ໂຣເຊລີນີ ຜູ້ປະສານງານລະບົບອົງການສະຫະປະຊາຊາດປະຈຳຈີນ ປາໄສໃນພິທີວ່າ: ຈະຕ້ອງພະຍາຍາມເພື່ອບັນລຸວາລະ 2030 ກ່ຽວກັບການພັດທະນາແບບຍືນຍົງຂອງອົງການສະຫະປະຊາຊາດ ໂດຍຄວາມຄິດທີ່ສວຍງາມຈະຕ້ອງຜ່ານການປະຕິບັດຕົວຈິງຈຶ່ງຈະສາມາດບັນລຸຜົນສຳເລັດໄດ້. ຂະນະທີ່ລັດຖະບານຈີນກໍມີຄວາມພະຍາຍາມຢ່າງບໍ່ລົດລະເພື່ອຊຸກຍູ້ວາລະ 2030 ກ່ຽວກັບການພັດທະນາແບບຍືນຍົງ ແລະກໍເປັນຕົວຢ່າງທີ່ດີທີ່ສຸດຂອງ "ການດຳເນີນງານເພື່ອບັນລຸເປົ້າໝາຍການພັດທະນາແບບຍືນຍົງ" ທີ່ເປັນຫົວຂໍ້ຂອງກິດຈະກຳເທື່ອນີ້.
ຂະນະທີ່ທ່ານຫວາງໂຊ້ວເຫວີນ ຮອງລັດຖະມົນຕີກະຊວງການຄ້າຈີນ ກໍໄດ້ຄົ້ນຄວ້າຫາຊ່ອງທາງເພື່ອບັນລຸເປົ້າໝາຍການພັດທະນາແບບຍືນຍົງຈາກແງ່ມຸມສ່ວນໂຕ ໂດຍຊີ້ວ່າ: ກະຊວງຕົນຈະຮ່ວມກັບລະບົບອົງການສະຫະປະຊາຊາດປະຈຳຈີນ ສືບຕໍ່ຊຸກຍູ້ຄວາມພະຍາຍາມສຸດຂີດເພື່ອແກ້ໄຂບັນຫາທຸກຍາກທີ່ຢູ່ໃນໄລຍະຂັ້ນສຸດທ້າຍແລ້ວ ເຊິ່ງກໍເປັນສ່ວນໜຶ່ງໃນການຈັດຕັ້ງປະຕິບັດຕາມເປົ້າໝາຍການພັດທະນາແບບຍືນຍົງ.
