ກອງປະຊຸມຄົບຄະນະຄັ້ງປະຖົມມະເລີດຂອງຄະນະກຳມະການສູນກາງພັກກອມ ມູນິດຈີນສະໄໝທີ 19ໄດ້ເລືອກຕັ້ງ ທ່ານສີຈີ້ນຜິງ, ທ່ານຫຼີເຄີ້ສຽງ, ທ່ານລີ້ຈ້ານຊູ່, ທ່ານວ່າງຢາງ, ທ່ານວາງຮູ້ນິງ, ທ່ານຈ້າວເລີ້ຈີ້ ແລະ ທ່ານຮັນເຈີ້ງເປັນກຳມະການປະຈຳກົມການເມືອງສູນກາງພັກ. ໃນການພົບປະກັບສື່ມວນຊົນພາຍໃນແລະຕ່າງປະເທດ, ທ່ານສີຈີ້ນຜິງໄດ້ກ່າວຂອບໃຈຢ່າງຈິງໃຈຕໍ່ບັດດາສະຫາຍທົ່ວພັກທີ່ໄດ້ໃຫ້ຄວາມເຊື່ອໝັ້ນແກ່ຄະນະການນຳສູນກາງພັກກອມມູນິດຈີນສະໄໝໃໝ່. ທ່ານຢືນຢັນວ່າ, ຈະປະຕິບັດພາລະໜ້າທີ່ຢ່າງຕັ້ງໜ້າ, ພະຍາຍາມເຮັດວຽກໃຫ້ດີ, ຈະບໍ່ປະລະພາລະກຳປະຫວັດສາດ ແລະ ຈະບໍ່ເຮັດໃຫ້ປະຊາຊົນຜິດຫວັງ.