ວັນທີ 24 ຕຸລານີ້, ທ່ານຈ້າວຈ້ຽນຮວາເອກອັກຄະລັດຖະທູດຈີນປະຈຳຟີລິບປິນໄດ້ຕາງໜ້າລັດຖະບານຈີນມອບເຄື່ອງຈັກຂະໜາດໃຫຍ່ໃຫ້ແກ່ຟີລິບປີນເພື່ອສ້າງສາເມືອງມະລາວິທີ່ຢູ່ພາກໃຕ້ຂອງປະເທດດັ່ງກ່າວຄືນໃໝ່ຫຼັງສົງຄາມ. ເຄື່ອງຈັກຊຸດນີ້ໄດ້ສົ່ງເຖິງເມືອງອີລິກັນແຂວງມິນດານາວປະເທດຟີລິບປີນໃນວັນທີ 9 ຕຸລານີ້.
ທ່ານມັກ ວິລາ ລັດຖະມົນຕີກະຊວງໂຍທາທິການສາທາລະນະແລະທາງຫຼວງຟີລິບປິນກ່າວໃນພິທີມອບຮັບດັ່ງກ່າວວ່າ, ການຊ່ວຍເຫຼືອດ້ວຍຄວາມເອື້ອເຟື້ອເພື່ອແຜ່ຂອງລັດຖະບານແລະປະຊາຊົນຈີນເປັນການຊ່ວຍເຫຼືອຢ່າງໃຫຍ່ຫຼວງໃຫ້ແກ່ເມືອງມະລາວີໃນວຽກງານສ້າງສາຄືນໃໝ່, ເຊິ່ງປະເທດຕົນຂໍສະແດງຄວາມຂອບອົກຂອບໃຈຈີນແລະຈົດຈຳຕະຫຼອດໄປ.
ໃນໂອກາດກ່າວປາໄສ, ທ່ານຈ້າວຈ້ຽນຮວາກ່າວວ່າ, ຈີນມອບເຄື່ອງຈັກຂະໜາດໃຫຍ່ 47 ລາຍການໃຫ້ແກ່ຟີລິບປີນຄັ້ງນີ້, ແມ່ນເຄື່ອງຈັກຂະໜາດໃຫຍ່ຊຸດທຳອິດທີ່ຟີລິບປີນໄດ້ຮັບຫຼັງໄດ້ຮັບໄຊຊະນະສົງຄາມຕໍ່ຕ້ານລັດທິກໍ່ການຮ້າຍຢູ່ມະລາວີ, ແລະເຊື່ອໝັ້ນວ່າພາຍໃຕ້ການນຳພາຂອງທ່ານດູເຕີເຕ ປະທານາທິບໍດີຟີລິບປີນ, ມະລາວິຈະສ້າງສາຄືນໃໝ່ໂດຍໄວຢ່າງແນ່ນອນ.
 |
