ທ່ານສີຈິ້ນຜິງ: ຕັ້ງໜ້າຊຸກຍູ້ການສ້າງປະຊາຄົມຮ່ວມຊະຕາກຳມວນມະນຸດ
2017-10-25 14:51:51 cri
ທ່ານສີຈິ້ນຜິງກ່າວໃນວັນທີ 25 ຕຸລານີ້ວ່າ: ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ໄຂຂຶ້ນເປັນຕົ້ນມາ, ມີພັກການເມືອງສຳຄັນ 452ພັກຈາກ 165 ປະເທດໄດ້ສົ່ງໂທລະເລກ ຫຼື ສົ່ງສານສະແດງຄວາມຊົມເຊີຍ 855 ສະບັບ. ໃນນີ້ 814 ສະບັບສົ່ງມາຈາກປະມຸກລັດ, ຫົວໜ້າລັດຖະບານ, ຜູ້ນຳພັກການເມືອງ ແລະອົງການຈັດຕັ້ງສຳຄັນ. ຂ້າພະເຈົ້າຂໍຕາງໜ້າສູນກາງພັກກອມມູນິດຈີນສະແດງຄວາມຂອບໃຈຢ່າງຈິງໃຈ. ທ່ານກ່າວວ່າ: ພັກກອມມູນິດຈີນ ແລະປະຊາຊົນຈີນໄດ້ຜ່ານຜ່າຄວາມທໍລະຫົດອົດທົນ ສະນັ້ນ, ຈຶ່ງຮູ້ດີຕໍ່ຄວາມປະເສີດຂອງສັນຕິພາບ ແລະຄຸນຄ່າຂອງການພັດທະນາ. ປະຊາຊົນຈີນມີຄວາມເຊື່ອໝັ້ນ ແລະເຄົາລົບຕົນເອງ, ຈະຮັກສາສິດອຳນາດອະທິປະໄຕ, ຄວາມໝັ້ນຄົງ ແລະຜົນປະໂຫຍດດ້ານການພັດທະນາຂອງຊາດຢ່າງເດັດດ່ຽວ ຂະນະດຽວກັນກໍຈະຕັ້ງໜ້າຊຸກຍູ້ການສ້າງປະຊາຄົມຮ່ວມຊະຕາກຳມວນມະນຸດ, ປະກອບສ່ວນໃໝ່ຫຼາຍກວ່າເກົ່າເຂົ້າໃນພາລະກິດອັນສູງສົ່ງໃນການຮັກສາສັນຕິພາບ ແລະການພັດທະນາຂອງມວນມະນຸດ.
