ໂຄສົກກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ໄດ້ຈັດພິທີຖະແຫຼງຂ່າວສະເພາະຢູ່ສູນຖະແຫຼງຂ່າວກອງປະຊຸມມີເດຍໃນຕອນເຊົ້າວັນທີ 26 ຕຸລານີ້ ໂດຍໄດ້ເຊີນຜູ້ຮັບຜິດຊອບທີ່ກ່ຽວຂ້ອງມາຕີຄວາມໝາຍບົດລາຍງານກອງປະຊຸມໃຫຍ່ຂອງພັກຄັ້ງທີ 19.ໃນພິທີຖະແຫຼງຂ່າວ, ທ່ານຫວາງສຽວຮຸ່ຍ ຮອງຫົວໜ້າຫ້ອງການສຶກສາຄົ້ນຄວ້ານະໂຍບາຍສູນກາງຜູ້ປະຈຳການ ທັງເປັນຮອງຫົວໜ້າຄະນະໂຄສະນາອົບຮົມສູນກາງພັກ ຊີ້ວ່າ: ນັບແຕ່ກອງປະຊຸມຂອງພັກຄັ້ງທີ 18 ເປັນຕົ້ນມາ, ພວກເຮົາໄດ້ຮັບຜົນສຳເລັດລັກສະນະປະຫວັດສາດຢ່າງຫຼວງຫຼາຍ ເຊິ່ງຜົນສຳເລັດຍິ່ງໃຫຍ່ທີ່ສຸດຢ່າງໜຶ່ງກໍຄື ພັກກອມມູນິດຈີນຜ່ານການຄົ້ນຄວ້າຢ່າງລຳບາກກາກກຳແລ້ວໄດ້ສ້າງແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ ໂດຍບົດລາຍງານກອງປະຊຸມໃຫຍ່ຂອງພັກຄັ້ງທີ 19 ແລະ ກົດລະບຽບພັກສະບັບປັບປຸງທີ່ຜ່ານຮັບຮອງໃນກອງປະຊຸມ ກໍໄດ້ກຳນົດເອົາແນວຄິດດັ່ງກ່າວເປັນເຂັມທິດການເຄື່ອນໄຫວຂອງພັກ ນີ້ແມ່ນຈຸດພົ້ນເດັ່ນຈຸດໜຶ່ງຂອງກອງປະຊຸມໃຫຍ່ຂອງພັກຄັ້ງທີ 19 ແລະ ເປັນການປະກອບສ່ວນທີ່ສຳຄັນຄັ້ງປະຫວັດສາດ.
ທ່ານຢາງເວີຍມິນ, ຮອງຫົວໜ້າຫ້ອງການໜ່ວຍນຳພາວຽກງານການເງິນເສດຖະກິດສູນກາງຈີນກ່າວໃນພິທີຖະແຫຼງຂ່າວວ່າ, ບົດລາຍງານຂອງກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ສະເໜີແຜນຍຸດທະສາດຢ່າງຈະແຈ້ງວ່າ, ການກໍ່ສ້າງປະເທດສັງຄົມນິຍົມທີ່ທັນສະໄໝຮອບດ້ານຈະແບ່ງເປັນສອງບາດກ້າວ. ຄວາມໝາຍ "ສອງບາດກ້າວ" ດັ່ງກ່າວກໍຄື: ອັນທີໜຶ່ງໄດ້ກຳນົດຕາຕະລ່າງເວລາແລະເສັ້ນທາງທີ່ສ້າງວ່າດ້ວຍການສັງຄົມນິຍົມທີ່ທັນສະໄໝຂອງ, ອັນທີສອງແມ່ນປັບປຸງເວລາບັນລຸເປົ້າໝາຍສ້າງສັງຄົມນິຍົມທີ່ທັນສະໄໝກ່ອນກຳນົດ 15 ປີ. ອັນທີສາມແມ່ນການບັນລະຍາຍເປົ້າໝາຍວັນປະຫວັດສາດຄົບຮອບຮ້ອຍປີທີ 2 ໃຫ້ສົມບູນກວ່າເກົ່າ, ອັນທີ່ສີ່ແມ່ນບໍ່ເວົ້າເຖິງເປົ້າໝາຍທີ່ເຮັດໃຫ້ GDP ເພີ່ມຂຶ້ນເທົ່າໆ.
ທ່ານ ຈ່ຽງຈິ່ນສວນ ຫົວໜ້າໜ່ວຍກວດກາຂອງຄະນະກວດກາສູນກາງພັກປະຈຳຄະນະກຳມະການຕິດຕາມຄຸ້ມຄອງຊັບສິນແຫ່ງລັດຄະນະລັດຖະບານ ແລະ ກຳມະການຄະນະພັກຂອງຄະນະກຳມະການຕິດຕາມຄຸ້ມຄອງຊັບສິນແຫ່ງລັດຈີນໄດ້ຊີ້ໃນການຖະແຫຼງຂ່າວວ່າ: ບົດລາຍງານຂອງກອງປະຊຸມໃຫຍ່ຂອງພັກກອມມູນິດຈີນຄັ້ງທີ 19 ໄດ້ຈັດເອົາການກໍ່ສ້າງການເມືອງຂອງພັກເຂົ້າໃນການແຜນລວມການກໍ່ສ້າງພັກເປັນຄັ້ງທຳອິດ ໂດຍໄດ້ເນັ້ນຖືການກໍ່ສ້າງການເມືອງຂອງພັກເປັນທິດນຳ. ນີ້ແມ່ນການປະດິດສ້າງໃໝ່ທີ່ສຳຄັນແລະຍິ່ງໃຫຍ່ໃນດ້ານທິດສະດີກໍ່ສ້າງພັກຂອງລັດທິມາກ.