ສະຖາບັນຄົ້ນຄວ້າຟີຊິກຄວາມຮ້ອນວິສະວະກຳຂອງສະຖາບັນວິທະຍາສາດຈີນໄດ້ປະກາດໃນວັນທີ 26 ຕຸລານີ້ວ່າ: ສະຖາບັນຕົນກັບອົງການອື່ນໆໄດ້ຮ່ວມກັນຄົ້ນຄວ້າຜະລິດອອກແບບເຮືອບິນບໍ່ມີຄົນຂັບ AT200 ທີ່ສາມາດບັນທຸກສິນຄ້າໄດ້ຫຼາຍກວ່າ 1 ໂຕນຮຸ່ນທຳອິດໃນໂລກ. ເຮືອບິນຍາວ 11,84 ແມັດ, ປີກກວ້າງ 12,8 ແມັດ, ສູງ 4,04 ແມັດ ແລະສາມາດຮັບນ້ຳໜັກສູງສຸດຂະນະບິນ 3,4 ໂຕນ. ບໍລິມາດຂະໜາດບັນຈຸຂອງເຮືອບິນ 10 ແມັດກ້ອນ, ສາມາດບັນຈຸສິນຄ້າໄດ້ 1,5 ໂຕນ ນີ້ແມ່ນເຮືອບິນໃຫຍ່ໃນວົງການເຮືອບິນທີ່ບໍ່ມີຄົນຂັບທີ່ໃຊ້ທາງພົນລະເຮືອນທັງພາຍໃນແລະຕ່າງປະເທດໃນປັດຈຸບັນ.
