ຫວ່າງກ່ອນນີ້ບໍ່ດົນ, ກອງປະຊຸມເຈົ້າໜ້າທີ່ອາວຸໂສສະພາວຽກງານຂົ້ວໂລກເໜືອທີ່ຈັດຂຶ້ນຢູ່ເມືອງອາວລຸນທາງພາກເໜືອຂອງແຟນລັງໄດ້ອັດລົງ, ໂດຍໄດ້ສຸມໃສ່ການສຶກສາ ແລະການປ່ຽນແປງຂອງດິນຟ້າອາກາດ.
ທ່ານເອເລັກຊີ ເຮັນຄລິງ, ທູດວຽກງານຂົ້ວໂລກເໜືອຂອງແຟນລັງເປັນປະທານກອງປະຊຸມທັງປະກອບຄຳເຫັນວ່າ, ແຟນລັງໄດ້ຈັດເອົາການສຶກສາເປັນໜຶ່ງໃນວຽກງານຈຸດໜັກໃນໄລຍະ 2 ປີທີ່ແຟນລັງເປັນປະເທດປະທານໝູນວຽນ.
ເມື່ອເວົ້າເຖິງບັນຫາການປ່ຽນແປງຂອງດິນຟ້າອາກາດ, ທ່ານເຮັດຄລິງກ່າວວ່າ, ການປ່ຽນແປງຂອງດິນຟ້າອາກາດເປັນຄວາມຈິງ, ພົນລະເມືອງທີ່ອາໄສຢູ່ເຂດຂົ້ວໂລກເໜືອໄດ້ສຳຜັດກັບຜົນກະທົບຈາກການປ່ຽນແປງຂອງດິນຟ້າອາກາດຕໍ່ຊີວິດການເປັນຢູ່ຂອງຕົນກ່ອນໝູ່ .
8 ປະເທດອ້ອມຂົ້ວໂລກເໜືອ ຄື: ອາເມລິກາ, ຣັດເຊຍ, ການາດາ, ແຟນລັງ, ຊູແອັດ, ແດນມາກ, ແລະອິດສລັງ, ແລະຜູ້ຕາງໜ້າຈາກ30ກວ່າປະເທດສັງເກດການ ເຊິ່ງລວມທັງ ຈີນ, ສ.ເກົາຫຼີ, ອິນເດຍ, ກໍຄືອົງການສັງເກດການຕ່າງໆໄດ້ເຂົ້າຮ່ວມກອງປະຊຸມດັ່ງກ່າວ.