ຣັດເຊຍເພີ່ມຄວາມຈຳກັດຕໍ່ການນຳເຂົ້າຜະລິດຕະພັນຈາກສະຫະພາບເອີລົບແລະອາເມລິກາເປັນຕົ້ນ

ວັນທີ 27 ຕຸລານີ້, ເວັບໄຊລັດຖະບານຣັດເຊຍເປີດເຜີຍເອກະສານສະບັບໜຶ່ງວ່າ, ຣັດເຊຍໄດ້ເພີ່ມລາຍຊື່ຜະລິດຕະພັນທີ່ຫ້າມນຳເຂົ້າຈາກສະຫະພາບເອີລົບ, ອາເມລິກາ ແລະການາດາ.

ອີງຕາມເອກະສານສະບັບນີ້, ຣັດເຊຍເພີ່ມຜະລິດຕະພັນສຳລັບກິນທີ່ກິປຸງແຕ່ງດ້ວຍຊີ້ນງົວ ໝູແລະມ້າເປັນຕົ້ນທີ່ເປັນຊີ້ນສົດ, ຫຼືແຊ່ເຢັນແລະແຊ່ແຂງ, ຍັງມີໄຂມັນຂອງໝູ, ງົວ, ແກະ ແລະສັດປີກເຂົ້າໃນບັນຊີຜະລິດຕະພັນທີ່ຫ້າມນຳເຂົ້າຈາກສະຫະພາບເອີລົບ,ອາເມລິກາແລະການາດາ.

ລັດຖະບານຣັດເຊຍກ່າວເນັ້ນວ່າ, ມາດຕະການຈຳກັດການນຳເຂົ້າເຫຼົ່ານີ້ຈະບໍ່ມີຜົນກະທົບຕໍ່ຄວາມຕ້ອງການພາຍໃນຂອງຣັດເຊຍ.

ຫຼັງຈາດເກີດວິກິດການອຸຍແກຼນ, ອາເມລິກາແລະສະຫະພາບເອີລົບໄດ້ໃຊ້ມາດຕະການຂວ້ຳບາດຫຼາຍເທື່ອຕໍ່ຣັດເຊຍແລ້ວ. ເພື່ອເປັນການຕອບໂຕ້, ຣັດເຊຍໄດ້ອອກຄຳສັ່ງເກືອດຫ້າມໃນວັນທີ 7 ສິງຫາປີ 2014 ໂດຍຫ້າມນຳເຂົ້າຜະລິດຕະພັນກະສິກຳແລະອາຫານປະເພດວັດຖຸດິບຫຼາຍຢ່າງຈາກຫຼາຍປະເທດຕາເວັນຕົກ, ຄຳສັ່ງດັ່ງກ່າວມີຜົນບັງຄັບໃຊ້ຈົນຮອດວັນທີ 31 ທັນວາ ປີ 2018 ໜ້ານີ້.