ວັນທີ 27 ຕຸລານີ້, ກອງປະຊຸມຂັ້ນລັດຖະມົນຕີຂອງການຮ່ວມມືເສດຖະກິດເຂດອາຊີກາງ CAREC ຄັ້ງທີ 16 ໄດ້ຈັດຂຶ້ນຢູ່ດູຊັນເບ ນະຄອນຫຼວງຕາຊີກີສະຖານ.
ຫົວຂໍ້ຫຼັກຂອງກອງປະຊຸມຄັ້ງນີ້ແມ່ນ " ເພີ່ມທະວີການຮ່ວມມືເຂດ CAREC , ຈັດຕັ້ງປະຕິບັດລະບຽບວາລະການພັດທະນາແບບຍຶນຍົງປີ 2030 ແລະເປົ້າໝາຍສົນທິສັນຍາປາຣີ. ທ່ານເອໂມມາລີ ຣາກມົນ ປະທານາທິບໍດີຕາຊີກີສະຖານເຂົ້າຮ່ວມພິທີໄຂແລະກ່າວປາໄສ, ທ່ານຈ້າວມິງຢີ້ ຜູ່ຊ່ວຍລັດຖະມົນຕີກະຊວງການເງິນຈີນ, ທ່ານຈ່າງຈ້ຽນມິນ ຮອງປະທານປະຈຳເຂດປົກຄອງຕົນເອງມົງໂກໃນຈີນກັບເຈົ້າໜ້າທີ່ລັດຖະບານປະເທດສະມາຊິກ CAREC ອື່ນໆ, ທ່ານທາເຄຮີໂຄ ນາຄາໂອ ຜູ່ວ່າການທະການຄານ ພັດທະນາອາຊີແລະຜູ້ຕາງໜ້າອົງການຈັດຕັ້ງສາກົນທີ່ກ່ຽວຂ້ອງໄດ້ເຂົ້າຮ່ວມກອງປະຊຸມ.
ກອງປະຊຸມໄດ້ຜ່ານຍຸດທະສາດ 2030 ຂອງ CAREC, ໄດ້ຄົ້ນຄວ້າການເຮັດແນວໃດເຮັດໃຫ້ກົນໄກ CAREC ຊ່ວຍເຫຼືອປະເທດສະມາຊິກຈັດຕັ້ງປະຕິບັດຍຸດທະສາດພັດທະນາແບບຍຶນຍົງ 2030ແລະເປົ້າໝາຍສົນທິສັນຍາປາຣີ, ແລະອອກຖະແຫຼງການດູຊັນເບ.
