ມາຮອດຕອນບ່າຍວັນທີ 28 ຕຸລານີ້, ການວາງສະແດງຜົນສຳເລັດຂະໜາດໃຫຍ່ " 5 ປີແຫ່ງການບຸກບືນກ້າວໜ້າ" ທີ່ຄະນະໂຄສະນາອົບຮົມສູນກາງພັກກອມມູນິດຈີນ, ຄະນະກຳມະການການພັດທະນາແລະປະຕິຮູບແຫ່ງລັດຈີນ,ກົມວຽກງານການເມືອງຂອງຄະນະກຳມະການການທະຫານສູນກາງຈີນ ແລະຄະນະພັກນະຄອນຫຼວງປັກກິ່ງຮ່ວມກັນເປັນເຈົ້າພາບຈັດຂຶ້ນໄດ້ມີປະຊາຊົນໄປຊົມໃນຈຳນວນຫຼາຍກວ່າ 1 ລ້ານຄົນ.
ໂດຍປະກອບມີບ່ອນວາງສະແດງເນື້ອໃນ 10 ຫົວຂໍ້ຕົ້ນຕໍເຊັ່ນ: "ຈັດຕັ້ງປະຕິບັດທັດສະນະຄະຕິໃໝ່ແຫ່ງການພັດທະນາ ນຳໜ້າສະພາບປົກກະຕິໃໝ່ແຫ່ງການພັດທະນາຂອງເສດຖະກິດ" "ຍຶດໝັ້ນເດີນຕາມເສັ້ນທາງແຫ່ງການພັດທະນາທາງການເມືອງສັງຄົມນິຍົມທີ່ມີສີສັນພິເສດຂອງຈີນ ຊຸກຍູ້ລະບົບປົກຄອງແລະຄວາມສາມາດດ້ານການປົກຄອງປະເທດໃຫ້ຫັນເປັນທັນສະໄໝ"ແລະຫົວຂໍ້ອື່ນໆ, ພ້ອມດ້ວຍເຂດສຳຜັດພິເສດແຫ່ງໜຶ່ງ, ງານວາງສະແດງດັ່ງກ່າວໄດ້ວາງສະແດງຂະບວນວິວັດທາງປະຫວັດສາດຂອງພາລະກິດຂອງພັກແລະລັດຢ່າງຮອບດ້ານນັບແຕ່ກອງປະຊຸມໃຫຍ່ຂອງພັກກອມມູນິດຈີນຄັັ້ງທີ 18 ເປັນຕົ້ນມາ.
ຂະນະດຽວກັນ,ການວາງສະແດງຄັ້ງນີ້ໄດ້ໃຊ້ຮູບແບບຕ່າງໆເຊັ່ນ:ພາບ, ໂຕໜັງສື,ວິດີໂອ,ວັດຖຸຕົວຈິງ,ຮູບຈຳລອງ,ການສຳຜັດແລະອື່ນໆ ເຮັດໃຫ້ຄວາມຈະເລີນຮຸ່ງເຮືອງຂອງຜົນສຳເລັດໃນ 5 ປີຜ່ານມາຍິ່ງມີຄວາມຊີວິດຊີວາແລະໜ້າເບິ່ງກວ່າເກົ່າ. ຜ່ານການວາງສະແດງຜູ້ຊົມທັງຫຼາຍສາມາດຊອກຮູ້ການປ່ຽນແປງໃໝ່ໃນຂະບວນການພັດທະນາຂອງປະເທດຢ່າງເລິກເຊິ່ງ,ຊີວິດການເປັນຢູ່ຂອງປະຊາຊົນນັບມື້ນັບໄດ້ຮັບການປັບປຸງໃຫ້ດີຂຶ້ນ, ໂສມໜ້າຈິດໃຈທາງສັງຄົມໄດ້ມີການປ່ຽນແປງໃໝ່ ເຊິ່ງໄດ້ສ້າງຄວາມໝັ້ນໃຈແລະຄວາມຕັດສິນໃຈໃຫ້ແກ່ປະຊາຊົນທີ່ຈະພະຍາຍາມຢ່າງບໍ່ລົດລະໃຫ້ຫຼາຍກວ່າເກົ່າເພື່ອການພັດທະນາຂອງປະເທດ,ຄວາມກ້າວໜ້າທາງສັງຄົມແລະຄວາມຈະເລີນຂອງປະຊາຊາດ.
 |
