ວັນທີ 30 ຕຸລານີ້, ທ່ານ ຊຸ່ຍທ່ຽນໄຂ ເອກອັກຄະລັດຖະທູດຈີນປະຈຳອາເມລິກາກ່າວວ່າ: ໃນໂອກາດທີ່ທ່ານ ໂດນັນ ທຣຳ ປະທານາທິບໍດີອາເມລິກາຈະຢ້ຽມຢາມຈີນທາງລັດຖະກິດນັ້ນ ເຊື່ອວ່າຈະສ້າງໂອກາດທີ່ດີໃຫ້ແກ່ການພັດທະນາສາຍພົວພັນລະຫວ່າງສອງປະເທດຕື່ມອີກ.
ທ່ານ ຊຸ່ຍທ່ຽນໄຂ ໄດ້ໃຫ້ສຳພາດລວມຕໍ່ສື່ມວນຊົນຈີນແລະຕ່າງປະເທດຢູ່ສະຖານທູດຈີນປະຈຳອາເມລິກາ ໃນມື້ດັ່ງກ່າວໂດຍກ່າວວ່າ: ກ່ອນໜ້ານີ້ບໍ່ດົນ, ກອງປະຊຸມໃຫຍ່ພັກກອມມູນິດຈີນຄັ້ງທີ 19 ຫາກໍອັດລົງຢູ່ນະຄອນຫຼວງປັກກິ່ງ, ການຢ້ຽມຢາມຈີນທາງລັດຖະກິດຂອງທ່ານໂດນັນ ທຣຳ ກໍຖືວ່າຢູ່ໃນໄລຍະປະຫວັດສາດທີ່ສຳຄັນທີ່ສຸດ ແລະ ກໍແມ່ນປະມຸກລັດຕ່າງປະເທດຜູ້ທຳອິດທີ່ຢ້ຽມຢາມຈີນຫຼັງກອງປະຊຸມໃຫຍ່ພັກກອມມູນິດຈີນຄັ້ງທີ 19.
ທ່ານ ຊຸ່ຍທ່ຽນໄຂ ກ່າວຕື່ມວ່າ: ບັນຫາແຫຼມເກົາຫຼີແລະບັນຫາຈຸດສຸມອື່ນໆຈະເປັນວາລະສຳຄັນໃນການຢ້ຽມຢາມຄັ້ງນີ້ ເຊິ່ງຈີນໄດ້ກຽມພ້ອມຈະປຶກສາຫາລືກັບຝ່າຍອາເມລິກາກ່ຽວກັບບັນຫາເຫຼົ່ານີ້ຢ່າງກົງໄປກົງມາ.