ມີຂ່າວແຈ້ງວ່າ, ເມື່ອບໍ່ດົນມານີ້, ສະພາເຂດປົກຄອງຕົນເອງກາຕາລຸນຢາປະເທດແອສປາຍໄດ້ຜ່ານຍັດຕິຮັບຮອງເອກະລາດ ແລະ ປະກາດສ້າງເຂດດັ່ງກ່າວ "ເປັນປະເທດເອກະລາດ" ແລະຈາກປະເດັນດັ່ງກ່າວ, ລັດຖະບານແອສປາຍໄດ້ຖະແຫຼງວ່າ ຈະຕອບໂຕ້ຄືນຢ່າງເດັດດ່ຽວ ບົນພື້ນຖານປະຕິບັດຕາມມາດຕາ 155 ຂອງລັດຖະທຳມະນູນ.
ທ່ານນາງຮວາຊຸນຢິງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວທີ່ຈັດຂຶ້ນໃນວັນທີ 30 ຕຸລານີ້ວ່າ, ບັນຫາເອກະລາດຂອງເຂດກາຕາລຸນຢາເປັນວຽກງານພາຍໃນຂອງແອສປາຍ ເຊິ່ງຈີນເຂົ້າໃຈ ແລະສະໜັບສະໜູນຄວາມພະຍາຍາມຂອງລັດຖະບານແອສປາຍໃນການປົກປັກຮັກສາຄວາມເປັນເອກະພາບ, ຄວາມປອງດອງຊາດ ແລະຜືນແຜ່ນດິນອັນຄົບຖ້ວນ.
ທ່ານນາງຮວ້າຊຸ່ນຢິງກ່າວຢ້ຳວ່າ, ຈີນແລະແອສປາຍເປັນປະເທດເພື່ອນມິດ, ສອງຝ່າຍຈະສືບຕໍ່ຍຶດໝັ້ນຫຼັກການເຄົາລົບອະທິປະໄຕແລະຜືນແຜ່ນດິນອັນຄົບຖ້ວນຂອງກັນແລະກັນ ພ້ອມທັງບໍ່ແຊກແຊງວຽກງານພາຍໃນຂອງກັນ ເພື່ອເສີມຂະຫຍາຍສາຍພົວພັນຮ່ວມມືມິດຕະພາບໃນຂົງເຂດຕ່າງໆກັບແອສປາຍ.