ໂທລະສັບສາຍດ່ວນການຊ່ວຍເຫຼືອສຸກເສີນທາງທະເລຈີນ-ກຳປູເຈຍໄດ້ເປີດບໍລິການຢ່າງເປັນທາງການໃນວັນທີ 31 ຕຸລາຜ່ານມາ. ຫວັງເຮັດໃຫ້ພາກສ່ວນນີ້ຂອງສອງປະເທດບັນລຸການສື່ສານເຊື່ອມຈອດກັນທັງໂທລະສັບ, ວີດີໂອແລະຂໍ້ມູນຫຼ້າສຸດຕະຫຼອດ 24 ຊົ່ວໂມງໃນອະນາຄົດ, ແລະເພື່ອສະໜອງຄວາມຮັບປະກັນທາງໂທລະຄົມໃຫ້ແກ່ການຊ່ອຍກອບກູ້ທາງທະເລສຸກເສີນ.
ໃນພິທີເປີດສາຍດ່ວນດັ່ງກ່າວ, ລວມທັງເປີດເວທີຂໍ້ມູນຊ່ວຍກອບກູ້ທາງທະເລຈີນ-ປະເທດອາຊຽນ. ສູນໂທລະຄົມຂໍ້ມູນຂ່າວສານຈີນໄດ້ເຊັນສັນຍາການກໍ່ສ້າງໂທລະສັບສາຍດ່ວນການຊ່ວຍເຫຼືອສຸກເສີນທາງທະເລແລະທາງອາກາດກັບສຳນັກງານເລຂາບໍລິສັດການບິນພົນລະເຮືອນກຳປູເຈຍແລະກົມການບິນພົນລະເຮືອນກະຊວງໂຍທາທິການແລະຂົນສົ່ງລາວ, ເປັນຂີດໝາຍສະແດງໃຫ້ເຫັນວ່າໂຄງການໂທລະສັບສາຍດ່ວນການຊ່ວຍເຫຼືອສຸກເສີນທາງທະເລລະຫວ່າງຈີນກັບອາຊຽນມີຄວາມຄືບໜ້າ.
 |
