ວັນທີ 31 ຕຸລາຜ່ານມາ ຢູ່ນະຄອນຫຼວງອາແຕນປະເທດເກຼັກ, ໄດ້ຈັດພິທີມອບຮັບໄຟສັກສິດຂອງໂອລິມປິກລະດູໜາວພຽງຊາງໂດຍທ່ານຫລີຮີບຽມ ປະທານຄະນະກຳມະການວັດງານໂອລິມປິກລະດູໜາວພຽງຊາງໃຫ້ກຽດຮັບໄຟສັກສິດຈາກທ່ານສະໄປໂຣສ ກາປຣາໂລສ ປະທານຄະນະກຳມະການໂອລິມປິກເກຼັກ.
ວັນທີ 24 ຕຸລານີ້, ໄດ້ຈັດພິທີເກັບເມັດໄຟສັກສິດຂອງໂອລິມປິກພຽງຊາງຢູ່ແຫຼມເປໂລປອນເນດຊຽນທີ່ເປັນແຫຼ່ງກຳເນີດໂອລິມປິກ ໂດຍຈາກນັ້ນກໍມີຜູ້ຖືທວນໄຟ 505 ຄົນເຂົ້າແລ່ນມອບສົ່ງທວນໃນໄລຍະທາງ 2129 ກິໂລແມັດໃນປະເທດເກຼັກ ແລະໄດ້ຈັດພິທີມອບຮັບເມື່ອມາເຖິງສະໜາມກິລາປັນອາແຕນທີ່ເປັນເຈົ້າພາບຈັດໂອລິມປິກຄັ້ງທຳອິດ.
ທັງນີ້ພາຍຫຼັງໄຟສັກສິດເຖິງສ. ເກົາຫຼີແລ້ວ, ກໍຈະໃຊ້ເວລາ 100 ມື້ແລ່ນທວນໄຟສັກສິດໃນໄລຍະທາງເຖິງ 2018 ກິໂລແມັດ ແລະທວນໄຟດັ່ງກ່າວຈະມາເຖິງສະໜາມກິລາຫຼັກໃນວັນຈັດພິທີເປີດໂອລິມປິກລະດູໜາວພຽງຊາງຄືວັນທີ 9 ກຸມພາປີ 2018.
 |
