ບໍລິສັດຫຼັກຊັບລາວ-ຈີນໄດ້ລົງນາມໃນຂໍ້ຜູກພັນໃຫ້ຄຳປຶກສາດ້ານການເງິນກັບລັດວິສາຫະກິດລາວໂທລະຄົມຢູ່ນະຄອນຫຼວງວຽງຈັນໃນວັນທີ 30 ຕຸລາຜ່ານມານີ້, ຫວັງຊ່ວຍລັດວິສາຫະກິດລາວໂທລະຄົມເຂົ້າຕະຫຼາດຮຸ້ນລາວໃນປີ 2018.
ລັດວິສາຫະກິດລາວໂທລະຄົມສ້າງຕັ້ງຂຶ້ນໂດຍການຮ່ວມທຶນລະຫວ່າງລາວແລະສິງກະໂປ, ໃນນີ້ ກະຊວງການເງິນລາວຖືຮຸ້ນ 51%, ເປັນບໍລິສັດໂທລະຄົມທີ່ໃຫຍ່ກວ່າໝູ່ ແລະ ມີຜົນກຳໄລ່ທີ່ດີກວ່າໝູ່ໃນປະເທດລາວ ໂດຍບັນລຸຜົນກຳໄລສຸດທິ 38 ລ້ານໂດລາໃນປີ 2016. ທັງນີ້ຖ້າເຂົ້າຕະຫຼາດຮຸ້ນເປັນຈິງ, ລັດວິສາຫະກິດລາວໂທລະຄົມຈະກາຍເປັນບໍລິສັດຮຸ້ນສ່ວນແຫ່ງທີ 3 ທີ່ຄຸມຮຸ້ນໂດຍລັດຖະບານລາວ ແລະ ຂະໜາດຮຸ້ນສາມັນເພີ່ມທຶນໃຫ້ແກ່ມວນຊົນທົ່ວໄປຄັ້ງທຳອິດ (IPO) ຈະຫຼາຍກວ່າ 100 ລ້ານໂດລາ.
ບໍລິສັດຫຼັກຊັບລາວ-ຈີນສ້າງຕັ້ງຂຶ້ນທີ່ນະຄອນຫຼວງວຽງຈັນເມື່ອເດືອນພະຈິກປີ 2013, ເປັນບໍລິສັດຫຼັກຊັບຮ່ວມທຶນລະຫວ່າງຈີນກັບຕ່າງປະເທດແຫ່ງທຳອິດທີ່ສ້າງຕັ້ງຂຶ້ນຢູ່ນອກປະເທດຈີນ.
 |
