ທ່ານເຮນຣີ ປາວເຊິນ ອະດີດລັດຖະມົນຕີກະຊວງການເງິນອາເມລິກາ, ປະທານມູນນິທິປາວເຊິນ ໄດ້ໃຫ້ສຳພາດຕໍ່ນັກຂ່າວຢູ່ນະຄອນຫຼວງປັກກິ່ງໃນວັນທີ 1 ພະຈິກນີ້ວ່າ: ເມື່ອທຽບໃສ່ຈັງຫວະການເຕີບໂຕຂອງເສດຖະກິດແລ້ວ, ຕົນສົນໃຈຕໍ່ການເຕີບໂຕຢ່າງປອດໃສແລະຄວາມຕໍ່ເນື່ອງຂອງເສດຖະກິດຈີນທີ່ສຸດ.
ທ່ານປາວເຊິນ ຊີ້ໃຫ້ເຫັນວ່າ: ແຕ່ກ່ອນ, ເສດຖະກິດຈີນຕົ້ນຕໍອາໄສການລົງທຶນຈາກ ລັດຖະບານເພື່ອບັນລຸເປົ້າໝາຍການເຕີບໂຕ, ແຕ່ປັດຈຸບັນໄດ້ກ້າວມາສູ່ການອາໄສການບໍລິໂພກນັບມື້ຫຼາຍຂຶ້ນແລ້ວ. ຂະນະທີ່ການບໍລິໂພກກວມອັດຕາ GDP ຫຼາຍກວ່າການສົ່ງອອກນັ້ນ ກໍເປັນຄວາມຄືບໜ້າທີ່ຕັ້ງໜ້າທີ່ສຸດ. ແນວໃດກໍດີ, ຈີນເປີດກວ້າງການເປີດປະຕູສູ່ພາຍນອກ ແລະຫຼຸດຜ່ອນເງື່ອນໄຂການເຂົ້າຕະຫຼາດປະເທດຕົນຢ່າງຫຼວງຫຼາຍນັ້ນ ຈະຊຸກຊູ້ສາຍພົວພັນລະຫວ່າງອາເມລິກາ-ຈີນ ທີ່ເປັນສາຍພົວພັນສອງຝ່າຍສຳຄັນທີ່ສຸດໃນໂລກ ໃຫ້ຂະຫຍາຍຕົວ. ບໍ່ວ່າປະເທດໃດກໍຕາມ ເຊິ່ງບໍ່ພຽງແຕ່ຈີນເທົ່ານັ້ນ ຖ້າປິດຕະຫຼາດປະເທດຕົນແລ້ວກໍຈະບໍ່ມີຜົນດີແຕ່ຢ່າງໃດ. ສະນັ້ນ, ຈີນ ແລະ ອາເມລິກາຕ່າງກໍຕ້ອງເປີດປະຕູປະເທດຕົນຈຶ່ງຈະໄດ້ຮັບຜົນປະໂຫຍດ.
