ກອງທັບອິສຣາແອນໄດ້ຊ້ອມຮົບປະສົມກອງທັບອາກາດຂະໜາດໃຫຍ່ຢູ່ຖານທັບອາກາດອົຟດາພາກໃຕ້ຂອງປະເທດໃນວັນທີ 5 ພະຈິກນີ້ດ້ວຍລະຫັດ "ທຸງສີຟ້າ", ໂດຍມີກອງທັບອາກາດອາເມລິກາ, ເກຼັກ, ໂປໂລຍ, ເຢຍລະມັນ, ຝຣັ່ງ, ອີຕາລີ, ອິນເດຍແລະອື່ນໆເຂົ້າຮ່ວມ. ສຳລັບອິນເດຍຖືວ່າເປັນການເຂົ້າຮ່ວມຊ້ອມຮົບເປັນຄັ້ງທຳອິດ, ໂດຍໄດ້ສົ່ງເຮືອບິນຂົນສົ່ງ C-130J ໜຶ່ງລຳເຂົ້າຮ່ວມ.
ສື່ມວນຊົນອິສຣາແອນລາຍງານວ່າ, ປະເທດເຫຼົ່ານີ້ໄດ້ສົ່ງເຮືອບິນຮົບ, ເຮືອບິນຂົນສົ່ງແລະເຮືອບິນຕື່ມນ້ຳມັນເຂົ້າຮ່ວມໂດຍເຈົ້າໜ້າທີ່ໜ່ວຍປ້ອງກັນປະເທດອິສຣາແອນກ່າວວ່າ, ເປົ້າໝາຍຫຼັກກໍເພື່ອຍົກສູງຄວາມສາມາດການສູ້ຮົບແລະເພີ່ມທະວີການຮ່ວມມືກັບປະເທດທີ່ເຂົ້າຮ່ວມ, ແລະບໍ່ກ່ຽວພັນເຖິງສະຖານະການຄວາມໝັ້ນຄົງໃດໆໃນປັດຈຸບັນ.
ກອງທັບອິສຣາແອນໄດ້ຈັດຕັ້ງການຊ້ອມຮົບດ້ວຍລະຫັດ "ທຸງສີຟ້າ" ເປັນຄັ້ງທີສາມແລະຈັດຂຶ້ນ 2 ປີຕໍ່ເທື່ອໂດຍເລີ່ມແຕ່ປີ 2013ເປັນຕົ້ນມາ, ແລະແມ່ນການຊ້ອມຮົບທາງອາກາດຂະໜາດໃຫຍ່ທີ່ສຸດພາຍຫຼັງກອງທັບອາກາດອິສຣາແອນສ້າງຕັ້ງຂຶ້ນ.
 |
