ສັບປະດາກອງປະຊຸມຜູ້ນຳອົງການຮ່ວມມືເສດຖະກິດອາຊີປາຊີຟິກຫຼືAPEC 2017 ໄດ້ເປີດສາກຂຶ້ນຢູ່ນະຄອນດານັງປະເທດຫວຽດນາມ.
ທ່ານແອລານ ບອນລາດ ຫົວໜ້າບໍລິຫານງານກອງເລຂາAPECຢືນຢັນໃນວັນທີ 7 ພະຈິກນີ້ວ່າ: ຈີນໄດ້ມີສ່ວນຮ່ວມຫຼາຍທີ່ສຸດຕໍ່ແຜນແມ່ບົດສົ່ງເສີມການເຊື່ອມໂຍງເສດຖະກິດພາກພື້ນເຂົ້າເປັນອັນໜຶ່ງອັນດຽວກັນຫຼາຍສະບັບ, ຖືວ່າເປັນສະມາຊິກສຳຄັນໜຶ່ງຂອງອົງການAPEC. ຫຼັງກອງປະຊຸມAPEC 2014 ທີ່ປັກກິ່ງ, ຈີນໄດ້ຕັ້ງໜ້າຊຸກຍູ້ທຸກມາດຕະການໃຫ້ໄດ້ຮັບຄວາມຄືບໜ້າ ເຊິ່ງໄດ້ເສີມຂະຫຍາຍບົດບາດສຳຄັນໃນດ້ານນີ້.
ທ່ານບອນລາດກ່າວຕື່ມວ່າ: ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ເປັນນິຍາມທີ່ມີເນື້ອໃນກວ້າງຂວາງຫຼາຍ, ແຕ່ເວົ້າສຳລັບການພັດທະນາAPECໃນອະນາຄົດຂອງ ແລະການເຊື່ອມຈອດກັນຂອງພາກພື້ນອາຊີປາຊີຟິກແລ້ວມີຄວາມໝາຍສຳຄັນຕໍ່ການຖອດຖອນບົດຮຽນຈາກຂໍ້ລິເລີ່ມດັ່ງກ່າວ. ການເຊື່ອມຈອດກັນດ້ານການຄ້າ, ການຄ້າເອເລັກໂຕຣນິກແລະດ້ານອື່ນໆໃນຂົງເຂດເສດຖະກິດທີ່ພັດທະນາໃໝ່, ການແລກປ່ຽນດ້ານນະໂຍບາຍ, ດ້ານວັດທະນະທຳເປັນຕົ້ນ ການແລກປ່ຽນນັກສຶກສາ,ການທ່ອງທ່ຽວໃຫ້ສະດວກຂຶ້ນກວ່າເກົ່າແລະອື່ນໆລ້ວນແຕ່ຈະເປັນຫົວຂໍ້ທີ່ຈະຫາລືໃນກອງປະຊຸມຄັ້ງນີ້.