ຈັດພິທີເປີດໂຕປຶ້ມ ດຶ່ມນ້ຳສາຍດຽວກັນ-ຄູ່ມືກ່ຽວກັບການຮ່ວມມືແມ່ນ້ຳລ້ານຊ້າງ-ແມ່ນ້ຳ ຂອງຢູ່ນະຄອນຫຼວງວຽງຈັນ
ຕາມຂ່າວ CRI: ພິທີເປີດໂຕ ປຶ້ມ ດຶ່ມນ້ຳສາຍດຽວກັນ-ຄູ່ມືກ່ຽວກັບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ແລະພິທີເຊັນສັນຍາການຮ່ວມມືລະຫວ່າງກຸ່ມບໍລິສັດພິມຈຳໜ່າຍຢຸນນານຈີນ ແລສຳນັກພິມແລະຈຳໜ່າຍປື້ມແຫ່ງລັດ ສປປ ລາວ ໄດ້ຈັດຂຶ້ນຢູ່ນະຄອນຫຼວງວຽງຈັນໃນວັນທີ 10 ພະຈິກນີ້ ເຊິ່ງ ທ່ານໂກເວີ້ຍມິນ ຮອງຫົວໜ້າຫ້ອງການຖະແຫຼງຂ່າວຂອງຄະນະລັດຖະບານຈີນ ແລະທ່ານບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວລາວໄດ້ຮ່ວມກັນເປັນສັກຂີພິຍານໃນພິທີດັ່ງກ່າວ.
ປຶ້ມ ດຶ່ມນ້ຳສາຍດຽວກັນ-ຄູ່ມືກ່ຽວກັບການຮ່ວມມືແມ່ນ້ຳລ້ານຊ້າງ-ແມ່ນ້ຳ ແມ່ນປື້ມແນະນຳນະໂຍບາຍຕ່າງໆກ່ຽວກັບການຮ່ວມມືແມ່ນ້ຳລ້ານຊ້າງແມ່ນ້ຳຂອງ, ເຊິ່ງໄດ້ເນັ້ນເຖິງ 3 ເສົາຄ້ຳການຮ່ວມມືໃຫຍ່ຂອງການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງຄື: ການເມືອງຄວາມໝັ້ນຄົງ, ເສດຖະກິດກັບການພັດທະນາແບບຍືນຍົງ, ສັງຄົມແລະວັດທະນະທຳ, ແລະສຸມໃຫຍ່ການແນະນຳທິດພັດທະນາທີ່ໃຫ້ບູລິມະສິດ 5 ດ້ານຄື: ການເຊື່ອມຈອດກັນ, ຄວາມສາມາດການຜະລິດ, ເສດຖະກິດຂ້າມປະເທດ, ຊັບພະຍາກອນນ້ຳ, ກະສິກຳ ແລະຫຼຸດຜ່ອນຄວາມທຸກຍາກ.
ໃນໂອກາດນີ້, ວົງການພິມຈຳໜ່າຍຈີນ-ລາວໄດ້ເປີດກວ້າງການຮ່ວມມືກັນ, ແລະຍົກລະດັບການຮ່ວມມືໃຫ້ສູງຂຶ້ນ ເຊິ່ງໄດ້ເຜີຍແຜ່ປຶ້ມທີ່ສາມາດຕອບສະໜອງຄວາມຕ້ອງການຂອງປະຊາຊົນຈີນ-ລາວ ກໍ່ຄືປະຊາຊົນຢູ່ທົ່ວພາກພື້ນແມ່ນ້ຳລ້ານຊ້າງ-ແມ່ນ້ຳຂອງ ເພື່ອຮ່ວມກັນຊຸກຍູ້ການສ້າງປະຊາຄົມຮ່ວມຊາຕາກຳອາຊຽນ.
