ວັນທີ 10 ພະຈິກນີ້ ທ່ານສີຈິ້ນຜິງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ ປະທານປະເທດ ສປ ຈີນ ໄດ້ເດີນທາງໄປຮອດເມືອດານັງ ສສ ຫວຽດນາມ ເພື່ອເຂົ້າຮ່ວມກອງປະຊຸມສຸດຍອດບໍ່ເປັນທາງການຂອງອົງການເອຮ່ວມມືເສດຖະກິດອາຊີປາຊິກຟິກຄັ້ງທີ 25 ແລະຢ້ຽມຢາມ ສສ ຫວຽດນາມທາງລັດຖະກິດ.
ເວລາ 13 ໂມງປາຍຂອງເວລທ້ອງຖີ່ນ, ທ່ານສີຈິ້ນຜິງໄດ້ເດີນທາງໄປຮອດສະໜາມບິນສາກົນຂອງເມືອງດານັງໂດຍຍົນພິເສດ, ທ່ານໄດ້ກ່າວປາໄສທາງລາຍລັກອັກສອນຢູ່ສະໜາມບິນ ໂດຍຊີ້ອອກວ່າ ນັບແຕ່ສ້າງຕັ້ງສາຍພົວພັນທາງການທູດ 67 ປີມານີ້ ການພົວພັນຈີນ-ຫວຽດນາມໄດ້ມີເນື້ອໃນອຸດົມສົມບູນຂຶ້ນ, ລະດັບການຮ່ວມມືລະຫວ່າງສອງຝ່າຍຍົກສູງຂຶ້ນເລື້ອຍໆ. ເມື່ອເຂົ້າສູ່ປະຫວັດສາດອັນໃໝ໋, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດໄດ້ລົງເລິກໄປເລຶ້ອຍໆ, ອັນໄດ້ນຳເອົາຜົນປະໂຫຍດແທ້ຈິງໄປຍັງປະຊາຊົນສອງປະເທດ, ແລະກາຍເປັນສ່ວນປະກອບທີ່ສຳຄັນເພື່ອສັນຕິພາບ ຄວາມໝັ້ນຄົງແລະຄວາມຈະເລີນຮຸ່ງເຮືອງຂອງພາກພື້ນ. ຄວາມເປັນເອກະພາບກັນລະຫວ່າງການນຳສອງພັກສອງລັດພວມໄດ້ຮັບການຜົນຂະຫຍາຍເປັນກ້າວໆ, ການຮ່ວມມືຍຸດທະສາດລະຫວ່າງຈີນ-ຫວຽດນາມກໍ່ພວມກ້າວໄປສູ່ລວງກວ້າງແລະລວງເລິກ. ຈີນສຸດທີ່ເອົາໃຈໃສ່ນຳການພົວພັນກັບຫວຽດນາ. ຂ້າພະເຈົ້າຄອງຄອຍຈະໄດ້ພົບປະກັບສະຫາຍເລຂາທິການໃຫຍ່ຫງຽນຝູຈົ່ງ, ສະຫາຍປະທານປະເທດເຈີນດຶກກວງ ແລະຜູ້ນຳທ່ານອື່ນໆຂອງຫວຽດນາມ ກໍ່ຄືບຸກຄົນໃນວົງການຕ່າງໆຂອງຫວຽດນາມຢ່າງກວ້າງຂວາງ, ເພື່ອລົງເລິກແລກປ່ຽນຄວາມເຫັນກ່ຽວກັບບັນຫາສາກົນແລະບັນຫາພາກພື້ນທີ່ສອງຝ່າຍສົນໃຈຮ່ວມກັນ, ເພີ່ມພູນມິດຕະພາບອັນເປັນມູນເຊື້ອ, ວາງແຜນພັດທະນາໃນອະນາຄົດ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ຫວຽດນາມຂຶ້ນສູ່ລະດັບໃໝ່.
