ກອງປະຊຸມລະດັບລັດຖະມົນຕີຄັ້ງທີ 29 ຂອງອົງການຮ່ວມມືເສດຖະກິດອາຊີປາຊີຟິກຫຼືອາເປັກໄດ້ຜ່ານຮັບຮອງ "ຖະແຫຼງການຮ່ວມລັດຖະມົນຕີ", ໂດຍເນັ້ນຈະສືບຕໍ່ຊຸກຍູ້ການກໍ່ສ້າງເຂດການຄ້າເສລີອາຊີປາຊີຟິກແລະປັບປຸງທ່າອຽງພັດທະນາຂອງເຂດການຄ້າເສລີອາຊີປາຊີຟິກ.
ທ່ານຈ່າງຊ້າວກ່າງ, ຫົວໜ້າກົມສາກົນກະຊວງການຄ້າຈີນກ່າວໃນວັນທີ 10 ພະຈິກນີ້ວ່າ, ກອງປະຊຸມຄັ້ງນີ້ໄດ້ສົ່ງສັນຍານສະໜັບສະໜູນລະບົບການຄ້າຫຼາຍຝ່າຍຕໍ່ບັນດາປະເທດສະມາຊິກ, ໄດ້ຮັກສາແລະສືບທອດປະເພນີທີ່ອົງການອາເປັກສະໜັບສະໜູນລະບົບການຄ້າຫຼາຍຝ່າຍ, ໄດ້ເພີ່ມພະລັງແຮງໃຫ້ແກ່ການຊຸກຍູ້ໃຫ້ການຄ້າໂລກຫັນເປັນແບບເສລີ.
ກອງປະຊຸມຄັ້ງນີ້ຍັງໄດ້ຜ່ານຮັບຮອງ "ຂອບການສ້າງຄວາມສະດວກໃຫ້ແກ່ການຄ້າເອເລັກໂຕຼນິກຂ້າມຊາດອາເປັກ", ໂດຍຈະສຸມໃສ່ຊຸກຍູ້ການປັບປຸງສະພາບແວດລ້ອມນະໂຍບາຍການຄ້າເອເລັກໂຕຼນິກຂ້າມຊາດໃຫ້ສົມບູນກວ່າເກົ່າ, ຍົກສູງລະດັບການຄ້າຂ້າມຊາດແບບບໍ່ໃຊ້ເຈ້ຍ, ເພີ່ມຄວາມສາມາດຂອງວິສາຫະກິດຂະໜາດກາງແລະນ້ອຍເພື່ອເຂົ້າຮ່ວມການຄ້າເອເລັກໂຕຼນິກ.
 |
