ວັນທີ 11 ພະຈິກນີ້ຢູ່ທີ່ດານັງ ສ.ສ ຫວຽດນາມ, ທ່ານສີຈິ້ນຜີງ ປະທານປະເທດຈີນ ແລະ ທ່ານນາງເວໂຣນີກາ ບາເຊເລັດ ປະທານາທິບໍດີຈີລີໄດ້ເຂົ້າຮ່ວມພິທີລົງນາມອະນຸສັນຍາຍົກລະດັບສັນຍາການຄ້າເສລີຈີນ-ຈີລີ.
ທ່ານສີຈິ້ນຜີງໄດ້ສະແດງຄວາມຊົມເຊີຍຕໍ່ການລົງນາມອະນຸສັນຍາຍົກລະດັບສັນຍາການຄ້າເສລີຈີນ-ຈີລີ ໂດຍກ່າວເນັ້ນວ່າ, ນີ້ເປັນການຍົກລະດັບສັນຍາການຄ້າເສລີສະບັບທຳອິດລະຫວ່າງຈີນກັບປະເທດອາເມລິກາລາຕິນ ເຊິ່ງຈະເພີ່ມກຳລັງຊຸກດັນໃໝ່ໃຫ້ແກ່ການຮ່ວມມືຕົວຈິງລະຫວ່າງຈີນກັບຈີລີ ແລະສ້າງຕົວແບບໃໝ່ໃຫ້ແກ່ການຮ່ວມມືລະຫວ່າງຈີນກັບອາເມລິກາລາຕິນ ທັງຈະເສີມຂະຫຍາຍບົດບາດແບບຢ່າງທີ່ດີໃນສາກົນ.
ທ່ານນາງບາເຊເລັດກ່າວວ່າ, ສາຍພົວພັນຈີລີ-ຈີນໄດ້ສ້າງສະຖິຕິຫຼາຍດ້ານໃນການຂະຫຍາຍສາຍພົວພັນລະຫວ່າງອາເມລິກາລາຕິນກັບຈີນ. ຈີລີຍິນດີສືບຕໍ່ເສີມຂະຫຍາຍຈິດໃຈກ້າເປັນຜູ້ນຳໜ້າ ເພື່ອຊຸກຍູ້ໃຫ້ການຮ່ວມມືຕົວຈິງລະຫວ່າງຈີລີກັບຈີນກ້າວໄປໜ້າຢ່າງບໍ່ຢຸດຢັ້ງ.
