ທ່ານຫຼີເຄີ້ສຽງເດີນທາງອອກຈາກປັກກິ່ງໄປເຂົ້າຮ່ວມບັນດາກອງປະຊຸມສຸດຍອດກ່ຽວກັບການຮ່ວມມືອາຊີຕາເວັນອອກ ແລະຢ້ຽມຢາມຟິລິບປິນຢ່າງເປັນທາງການ
2017-11-12 12:32:48 cri
ໂດຍຕອບສະໜອງຕາມຄຳເຊີນຂອງທ່ານດູເຕີເຕ ປະທານາທິບໍດີຟິລິບປິນທີ່ເປັນປະເທດປະທານວຽນຂອງອາຊຽນ, ຕອນເຊົ້າວັນທີ 12 ພະຈິກນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ເດີນທາງອອກຈາກປັກກິ່ງດ້ວຍເຄື່ອງບິນພິເສດໄປນະຄອນຫຼວງມານີລາປະເທດຟິລິບປິນ ເພື່ອເຂົ້າຮ່ວມກອງປະຊຸມສຸດຈີນ-ອາຊຽນ ຫຼື ອາຊຽນ+1 ຄັ້ງທີ 20, ກອງປະຊຸມສຸດຍອດອາຊຽນກັບຈີນ, ຍີ່ປຸ່ນ ແລະສ.ເກົາຫຼີ ຫຼື ອາຊຽນ+3 ຄັ້ງທີ20 ແລະກອງປະຊຸມສຸດຍອດອາຊີຕາເວັນອອກຄັ້ງທີ 12 ພ້ອມທັງຢ້ຽມຢາມຟິລິບປິນຢ່າງເປັນທາງການ.
