ວັນທີ 11 ພະຈິກນີ້, ກອງປະຊຸມບໍ່ເປັນທາງການຜູ້ນຳອົງການເອເປັກຄັ້ງທີ 25 ໄດ້ອັດລົງຢູ່ດານັງປະເທດສ.ສ ຫວຽດນາມ. ຖະແຫຼງການທີ່ເຜີຍເຜ່ໃນກອງປະຊຸມຮຽກຮ້ອງໃຫ້ອົງການເສດຖະກິດສະມາຊິກຕ່າງໆຈົ່ງສະໜັບສະໜູນລະບົບການຄ້າຫຼາຍຝ່າຍ.
ພາຍຫຼັງກອງປະຊຸມດັ່ງກ່າວອັດລົງແລ້ວ, ທ່ານເຈີນເຕິກກວງ ປະທານກອງປະຊຸມ ບໍ່ເປັນທາງການຜູ້ນຳອົງການເອເປັກຄັ້ງທີ 25, ປະທານປະເທດຫວຽດນາມໃຫ້ສຳພາດຕໍ່ສື່ມວນຊົນວ່າ, ກອງປະຊຸມໄດ້ປຶກສາຫາລືນະໂຍບາຍແລະຍຸດທະສາດກ່ຽວກັບວິສາຫະກິດຂະໜາດກາງແລະນ້ອຍ, ການພັດທະນາແບບຍືນຍົງແລະການປະດິດສ້າງໃໝ່, ຮັບມືກັບການປ່ຽນແປງທາງດິນຟ້າອາກາດດ້ວຍຮູບການ ເໝາະສົມ, ຫຼຸດຄວາມສ່ຽງຂອງໄພທຳມະຊາດໃຫ້ໜ້ອຍລົງ ແລະອື່ນໆ. ຖະແຫຼງການທີ່ເຜີຍແຜ່ໃນກອງປະຊຸມໄດ້ລະບຸວ່າ, ຜູ້ນຳບັນດາສະມາຊິກອົງການເອເປັກຕັດສິນໃຈດຳເນີນງານຮ່ວມຢ່າງແຂງແຮງແລະສືບເນື່ອງກວ່າເກົ່າ, ເພື່ອເພີ່ມກຳລັງແຮງໃໝ່ເຂົ້າໃນການຮ່ວມມືຂອງອົງການເອເປັກ, ຊຸກຍູ້ການເຕີບໂຕແບບຍືນຍົງ, ມີຫົວຄິດປະດິດສ້າງ ແລະໂອບອ້ອມອາລີ, ຊຸກຍູ້ໃຫ້ເສດຖະກິດພາກພື້ນໃຫ້ເຊື່ອມໂຍງເຂົ້າກັນ, ຂຸດຄົ້ນຄວາມສາມາດບົ່ມຊ້ອນຂອງພາກສ່ວນການຄ້າ ໂດຍສະເພາະແມ່ນວິສາຫະກິດຂະໜາດກາງແລະນ້ອຍຢ່າງເຕັມທີ່, ເພີ່ມທະວີຄວາມປອດໄພທາງອາຫານແລະພັດທະນາຂະແໜງການກະສິກຳແບບຍືນຍົງ.
 |
