ວັນທີ 12 ພະຈິກນີ້, ກະສິກອນເມືອງຫວຍອ່ານແຂວງຈ່ຽງຊູ່ ສປ ຈີນກຳລັງເກັບດອກເບັນຈະມາດຢູ່ແຄມໜອງປາຍມາເມືອງດັ່ງກ່າວ. ທົ່ງດອກເບັນຈະມາດກວມເນື້ອທີ່ປະມານ 67 ເຮັກຕາຢູ່ແຄມໜອງປາຍມາ ເມືອງຫວຍອ່ານໄດ້ເຂົ້າສູ່ໄລຍະເກັບກ່ຽວ ໂດຍຫຼາຍມື້ຜ່ານມາ, ກະສິກອນທ້ອງຖິ່ນດັ່ງກ່າວ 100 ກວ່າຄົນໄດ້ເລັ່ງເກັບດອກເບັນຈະມາດ ເຊິ່ງເປັນພາບຍິ່ງໃຫຍ່ຕະການຕາ. ຕາມຊາບວ່າ: ທົ່ງດອກເບັນຈະມາດຜືນນີ້ຕັ້ງຢູ່ໃນເຂດນິຄົມອຸດສາຫະກຳຢາພື້ນເມືອງຈີນເພື່ອຮັກສາສຸຂະພາບໜອງປາຍມາ ເປັນຖານປູກດອກເບັນຈະມາດທີ່ໃຫຍ່ທີ່ສຸດຂອງເມືອງຫວຍອ່ານ ທັງເປັນເຂດນິຄົມວິທະຍາສາດເຕັກນິກກະສິກຳທີ່ທັນສະໄໝ ເຊິ່ງອົງການປົກຄອງເມືອງຫວຍອ່ານໄດ້ສຸມທຸກຄວາມພະຍາຍາມກໍ່ສ້າງໃຫ້ເປັນເຂດນິຄົມວິທະຍາສາດເຕັກນິກກະສິກຳທີ່ກວມເອົາການປູກດອກໄມ້,ປຸງແຕ່ຢາພື້ນເມືອງ,ການທ່ອງທ່ຽວແລະອື່ນໆ.
