ໃນເວລາ 21:48 ໂມງຂອງວັນທີ 12 ພະຈິກນີ້ຕາມເວລາທ້ອງຖິ່ນ, ຢູ່ບໍລິເວນໃກ້ເມືອງອາສເກຼ ແຂວງເຄີມານຊາ ປະເທດອີຣານ ໄດ້ເກີດແຜ່ນດິນໄຫວລະດັບ 7,3 ຣິກເຕີ ແລະຈາກເຫດດັ່ງກ່າວ ມາຮອດປັດຈຸບັນມີຜູ້ເສຍຊີວິດແລ້ວ 141 ຄົນ ແລະ ບາດເຈັບ 866 ຄົນ.
ເນື່ອງຈາກຈຸດສູນກາງແຜ່ນດິນໄຫວຢູ່ເຂດຊາຍແດນອີຣານ-ອີຣັກ ຈຶ່ງສົ່ງຜົນເຮັດໃຫ້ປະຊາຊົນອີຣັກ ກໍປະສົບໄພເຊັ່ນດຽວກັນ ໂດຍມີຜູ້ເສຍຊີວິດແລະບາດເຈັບຈຳນວນໜຶ່ງ. ນອກນີ້, ຢູ່ກູເວດ, ອາຣັບເອມີເຣັດ, ຊາອຸດິ ອາຣາເບຍ, ອາເມນີ ແລະ ຕວກກີ ເປັນຕົ້ນ ກໍຮູ້ສຶກເຖິງແຮງສັ່ນສະເທືອນເຊັ່ນດຽວກັນ.
