ວັນທີ 14 ພະຈິກນີ້ຢູ່ນະຄອນຫຼວງປັກກິ່ງ, ທ່ານເກິງສວງ ໂຄສົກກະຊວງການຕ່າງປະເທດຈີນໄດ້ຖະແຫຼງວ່າ ໃນໄລຍະທີ່ທ່ານສີຈິ້ນຜິງ ປະທານປະເທດຈີນຢ້ຽມຢາມຫວຽດນາມແລະລາວ, ຈີນແລະສອງປະເທດດັ່ງກ່າວໄດ້ບັນລຸຄວາມເປັນເອກະພາບກັນກ່ຽວກັບການສ້າງ "ໜຶ່ງແລວທາງໜຶ່ງເສັ້ນທາງ".
ທ່ານເກິງສວງຢືນຢັນວ່າ ຈີນສະເໜີຂໍ້ລິເລີ່ມຮ່ວມກັນສ້າງ "ໜຶ່ງແລວທາງໜຶ່ງເສັ້ນທາງ" ເຊິ່ງເນື້ອໃນແກນກາງກໍຄືສົ່ງເສີມການກໍ່ສ້າງແລະການເຊື່ອມຈອດພື້ນຖານໂຄງລ່າງ,ເພີ່ມທະວີການປະສານດ້ານນະໂຍບາຍເສດຖະກິດແລະການເຊື່ອມຕໍ່ຍຸດທະສາດການພັດທະນາເພື່ອຊຸກຍູ້ໃກ້ບັນດາປະເທດພັດທະນາຮ່ວມກັນ ແລະບັນລຸຄວາມຈະເລີນຮຸ່ງເຮືອງຮ່ວມກັນ. ຈີນຍິນດີຮ່ວມກັບຫວຽດນາມ, ລາວ ກໍຄືປະເທດອື່ນໆທີ່ມີເປົ້າໝາຍຮ່ວມກັນນັ້ນສືບຕໍ່ຮ່ວມມືກໍ່ສ້າງ "ໜຶ່ງແລວທາງໜຶ່ງເສັ້ນທາງ" ແລະຊຸກຍູ້ໃຫ້ຂໍ້ລິເລີ່ມດັ່ງກ່າວໄດ້ຮັບຜົນສຳເລັດໃໝ່ຢ່າງບໍ່ຢຸດຢັ້ງ, ສ້າງຄວາມສົມບູນພູນສຸກໃຫ້ແກ່ປະຊາຊົນບັນດາປະເທດ ແລະເສີມຂະຫຍາຍບົດບາດອັນຕັ້ງໜ້າເພື່ອຊຸກຍູ້ພາກພື້ນໃຫ້ພັດທະນາແລະຈະເລີນຮຸ່ງເຮືອງຮ່ວມກັນ.
 |
