ວັນທີ 15 ພະຈິກນີ້ ພາຍຫຼັງສຳເລັດການເຂົ້າຮ່ວມກອງປະຊຸມຜູ້ນຳອາຊີຕາເວັນອອກ ແລ້ວ, ທ່ານຫຼີເຄີ້ສຽງ
ນາຍົກລັດຖະມົນຕີຈີນໄດ້ເລີ່ມຢ້ຽມຢາມຟິລິບປິນຢ່າງເປັນທາງການ, ແລະໃນ ຕອນບ່າຍມື້ດຽວກັນ, ທ່ານຫຼີ
ເຄີ້ສຽງໄດ້ພົບປະກັບທ່ານດູເຕີເຕ ປະທານາທິບໍດີຟິລິບປິນຢູ່ນະຄອນຫຼວງມະນີລາ.
ທ່ານຫຼີເຄີ້ສຽງກ່າວວ່າ: ພຶດຕິກຳໄດ້ຢືນຢັນໃຫ້ເຫັນແລ້ວວ່າ, ການມີມິດຕະພາບຖານບ້ານໃກ້ ເຮືອນຄຽງທີ່ດີ
ຕໍ່ກັນນັ້ນລ້ວນແຕ່ສອດຄ່ອງກັບຜົນປະໂຫຍດກົກຮາກຂອງສອງປະເທດ ທັງແມ່ນຄວາມ ປາຖະ ໜາຮ່ວມ
ຂອງປະຊາຊົນສ່ວນຫຼາຍ, ແລະກໍແມ່ນທ່າອຽງແຫ່ງການຂະຫຍາຍຕົວຂອງພາກພື້ນ, ທັງແມ່ນ ພື້ນຖານແຫ່ງ
ການພັດທະນາຮ່ວມກັນ. ຈີນຍິນດີຮ່ວມກັບຟິລິບປິນຊີ້ນຳທິດທາງທີ່ຖືກຕ້ອງ, ປັບປຸງມິດຕະພາບ, ລົງເລິກ
ການຮ່ວມມື, ຊຸກຍູ້ການພົວພັນລະຫວ່າງສອງປະເທດໃຫ້ກ້າວ ໄປໜ້າຢ່າງປອດໃສແລະໜັກແໜ້ນ.
ທ່ານຫຼີເຄີ້ສຽງກ່າວຕື່ມວ່າ, ເສດຖະກິດຈີນ-ຟິລິບປິນຕ່າງກໍສາມາດຊ່ວຍຊູຍູ້ໜູນກັນ, ແລະ ສ້າງໂອກາດການ
ພັດທະນາແລະເປີດຕະຫຼາດອັນກວ້າງຂວາງໃຫ້ແກ່ກັນ, ດ້ວຍເຫດນີ້ຈີນຈຶ່ງຍິນດີຮ່ວມກັບຟິລິບປິນເຊື່ອມຈອດ
ຍຸດທະສາດການພັດທະນາເຂົ້າກັນ, ເພີ່ມທະວີການຮ່ວມມື ໃນຂົງເຂດການຄ້າການລົງທຶນ, ເຕັກນິກຂໍ້ມູນຂ່າວ
ສານ, ກະສິກຳ, ການຫຼຸດຜ່ອນຄວາມທຸກຍາກ, ວັດທະນະທຳ, ສາທາລະນະສຸກແລະໄວໜຸ່ມເປັນຕົ້ນ.
ທ່ານດູເຕີເຕກ່າວວ່າ, ນີ້ເປັນຄັ້ງທຳອິດໃນຮອບ 10 ປີທີ່ຜູ້ນຳຈີນກໍຄືທ່ານນາຍົກຫຼີເຄີ້ສຽງເດີນທາງຢ້ຽມຢາມ
ຟິລິບປິນເຊິ່ງມີຄວາມໝາຍສຳຄັນຫຼາຍ. ຈີນແມ່ນ ເພື່ອນທີ່ດີແລະຄູ່ຮ່ວມມືທີ່ຈິງໃຈຂອງຟິລິບປິນ. ຂອບໃຈຈີນ
ທີ່ໄດ້ສະໜັບສະໜູນການ ກໍ່ສ້າງພື້ນຖານໂຄງ ລ່າງແລະປົກປັກຮັກສາຄວາມໝັ້ນຄົງຂອງຟິລິບປິນ, ຟິລິບ
ປິນຄອງຄອຍ ນັກທຸລະກິດຈີນເຂົ້າໄປລົງທຶນ, ສ້າງສາແລະຖອດຖອນເອົາບົດຮຽນການພັດທະນາຂອງຈີນ.
ພ້ອມທັງຍິນດີເສີມຂະຫຍາຍບາດບາດຂອງການເປັນປະເທດປະສານການພົວພັນຈີນ-ອາຊຽນໃຫ້ດີ, ເພື່ອ
ຊຸກຍູ້ການພົວພັນລະຫວ່າງອາຊຽນ-ຈີນໃຫ້ພັດທະນາກ້າວໄປໜ້າ.ກໍຄືຍິນດີເສີມຂະຫຍາຍ ບົດບາດຂອງ
ການເປັນປະເທດໄກ່ເກ່ຍການພົວພັນຈີນ-ອາຊຽນໃຫ້ດີ, ແລະຊຸກຍູ້ສາຍພົວພັນລະຫວ່າງອາຊຽນ-ຈີນຂະ
ຫຍາຍຕົວຕື່ມອີກ.
ພາຍຫຼັງພົບປະກັນ, ທ່ານຫຼີເຄີ້ສຽງແລະທ່ານດູເຕີເຕ ໄດ້ຮ່ວມເປັນສັກຂີພິຍານໃນການລົງນາມເອກະສານ
ຮ່ວມມືສອງຝ່າຍສິບກວ່າສະບັບໂດຍກວມເອົາຂົງເຂດການກໍ່ສ້າງພື້ນຖານໂຄງລ່າງ, ຄວາມສາມາດການ
ຜະລິດ, ເສດຖະກິດເຕັກນິກ, ການເງິນ, ວັດທະນະທຳແລະອື່ນໆ.