ວັນທີ17 ພະຈິກນີ້, ທ່ານໂຣເບີດ ກາບຣິເອວ ມູກາເບ ປະທານາທິບໍດີຊິມບາເວໄດ້ເປັນປະທານຈັດພິທີຮຽນຈົບຂອງມະຫາວິທະຍາໄລເປີດປະຕູຊິມບາເວຢູ່ຮາຣາເຣ ນະຄອນຫຼວງປະເທດຕົນ. ນີ້ແມ່ນທ່ານມູກາເບເຂົ້າຮ່ວມກິດຈະກຳຢູ່ສະຖານທີ່ສາທາລະນະເປັນເທື່ອທຳອິດພາຍຫຼັງສະພາບການເມືອງປະເທດນີ້ປັ່ນປ່ວນຂຶ້ນເປັນຕົ້ນມາ.
ອີງຕາມສື່ມວນຊົນແຫ່ງນັ້ນລາຍງານວ່າ, ຕອນບ່າຍວັນທີ 16 ພະຈິກນີ້, ທ່ານມູກາເບກັບທ່ານກົງສ໌ຕັນຕິນ ຈີເວນກາ ຜູບັນຊາການກອງທັບປ້ອງກັນປະເທດແລະທູດພິເສດຂອງທ່ານຢາຄົບ ຈູມາ ປະທານາທິບໍດີອາຟຣິກາໃຕ້ໄດ້ຈັດການເຈລະຈາຢູ່ທຳນຽບປະທານາທິບໍດີ. ແຕ່ບໍໄດ້ລາຍງານເຖິງເນື້ອໃນການເຈລະຈາ.
ຕອນຮຸ່ງເຊົ້າວັນທີ 15 ພະຈິກນີ້, ເຈົ້າໜ້າທີ່ທະຫານຊິມບາເວໄດ້ນຳໃຊ້ການເຄື່ອນໄຫວທາງການທະຫານ, ຄວບຄຸມຂະແໜງການສຳຄັນຂອງລັດຖະບານຢ່າງຮອບດ້ານແລະອອກຖະແຫຼງການໂດຍຜ່ານໂທລະພາບແຫ່ງຊາດ, ປະຕິເສດກໍ່ລັດຖະປະຫານທາງການທະຫານ, ຂະນະທີ່ກ່າວວ່າຈະຮັບປະກັນຄວາມປອດໄພຂອງທ່ານມູກາເບພ້ອມດ້ວຍຄອບຄົວ. ໂຄສົກຂອງກອງທັບກ່າວວ່າ, ເປົ້າໝາຍຂອງການເຄື່ອນໄຫວແມ່ນຈັບຜູ້ຕ້ອງໂທດພາຍໃນພັກທີ່ກຳອຳນາດ.